Bæjarráð - 3053. fundur

Frá deildarstjóra framkvæmdadeildar, dags. 13.07.2121, lögð fram niðurstaða útboðs í verkið "Kársnesskóli, byggingarstjóri og eftirlit. Óskað er eftir heimild bæjarráðs um að gerður verði verksamningur við JT verk ehf. um verkið. Bæjarráð frestaði afgreiðslu málsins á fundi sínum 15.07.2021.

Fundarhlé hófst kl. 9:10, fundi fram haldið kl. 9:17

Bæjarráð samþykkir með fjórum atkvæðum og hjásetu Theódóru S. Þorsteinsdóttur að gengið verði til samninga við JT verk.

Bókun:

"Undirrituð situr hjá við afgreiðslu þessa máls í ljósi óskýrleika á mati á greinargerð og að ekkert liggur fyrir um nákvæma hámarksupphæð á tilboðinu. Fram hefur komið að kostnaður sé metinn á 100 milljónir en ómögulegt er fyrir kjörna fulltrúa að hafa eftirlit með þessum þætti."

Theodóra Þorsteinsdóttir

Frá lögfræðideild, dags. 16.07.2021, lagt fram bréf Sýslumannsins á höfuðborgarsvæðinu, dags. 15.07.2021, þar sem óskað er umsagnar um umsókn Gaming Arena ehf., kt. 440121-0470 um nýtt rekstrarleyfi fyrir skemmtistað í flokki III, að Smáratorgi 3, 200 Kópavogi, skv.10.gr. laga nr. 85/2007 um veitingastaði, gististaði og skemmtanahald, sbr. 26. gr. reglugerðar nr. 1277/2016. Samkvæmt 1. tl. 4. mgr. 10. gr. laga nr. 85/2007 skal sveitarstjórn, sem umsagnaraðili, staðfesta að afgreiðslutími og staðsetning staðar sem umsókn lýtur að sé innan þeirra marka sem reglur og skipulag sveitarfélagsins segja til um.

Bæjarráð samþykkir með fimm atkvæðum að veita jákvæða umsögn með vísan til minnisblaðs lögfræðideildar.

Frá umhverfis- og auðlindaráðuneytinu, dags. 21.07.2021, lagt fram erindi varðandi uppfærslu um stöðu Árósarsamningsins.

Lagt fram.

Fundargerð í 14 liðum.

Bæjarráð samþykkir með fimm atkvæðum afgreiðslur byggingarfullltrúa.

Fundargerð í 9 liðum

Bæjarráð samþykkir með fimm atkvæðum afgreiðslur byggingarfulltrúa.

Fundargerð í 12 liðum. Bæjarráð frestaði erindinu á fundi sínum 15.07.2021.

Frestað.

Fundargerð í 5 liðum. Bæjarráð frestaði afgreiðslu erindisins á fundi sínum þann 15.07.2021.

Frestað.

Fundargerð í 4 liðum. Bæjarráð frestaði afgreiðslu erindisins á fundi sínum þann 15.07.2021.

Frestað.

Fundargerð í 4 liðum. Bæjarráð frestaði afgreiðslu erindisins á fundi sínum þann 15.07.2021.

Fundarhlé hófst kl. 10:03, fundi fram haldið kl. 10:07.

Bókun:

"Í ljósi þess hversu seint og illa gögn eru að berast frá byggðasamlögum þá treystir undrrituð sér ekki lengur til þess að sinna eftirlitshlutverki sínu og vísar allri ábyrgð á þá meirihluta sem sitja við völd á höfuðborgarsvæðinu.

Í algjöru tómarúmi og algjörlega óupplýst þá bind ég samt sem áður vonir við að þeir sem aðgang hafa að gögnum taki þá ákvörðun að bjóða út útflutning á brennanlegum úrgangi á Evrópska efnahagssvæðinu. Undirrituð ítrekar beiðni um aðgang að gögnum sem komu fram á fundir stjórnar Sorpu frá 21. maí 2021."

Theódóra S. Þorsteinsdóttir

Bókun: "Undirrituð óskar eftir frestun, ásamt því að óska eftir fylgigögnum fundarins."

Theódóra S. Þorsteinsdóttir

Frestað.

Frá bæjarfulltrúa Theódóru S. Þorsteinsdóttur, dags. 06.07.2021, lögð fram beiðni um að fá kynningu á hjólreiðaáætlun Kópavogs.

Frestað.

Frá bæjarfulltrúa Theódóru S. Þorsteinsdóttur, dags. 06.07. 2021, lögð fram beiðni um að fá kynningu á Arnarnesvegi.

Frestað.

Frá bæjarfulltrúa Theódóru S. Þorsteinsdóttur, dags. 26.07.2021, lögð fram beiðni um upplýsingar um stöðu viðaukatillagna er varða skipulag í Glaðheimum og í Hamraborg.

Frestað.

Frá bæjarfulltrúa Theódóru S. Þorsteinsdóttur, dags. 26.07.2021, lögð fram beiðni um að fá umræðu um stafræna þróun sveitarfélaga.

Frestað.

Frá bæjarfulltrúa Theódóru S. Þorsteinsdóttur, dags. 29.06.2021, lögð fram beiðni um að fundargerð Sorpu nr. 448 verði aftur tekin á dagskrá á næsta fundi bæjarráðs. Málinu var frestað á 3051. fundi bæjarráðs.

Frestað.