Bæjarráð - 2957. fundur

Frá deildarstjóra gatnadeildar, dags. 7. maí, lagðar fram niðurstöður rammasamningsútboðs vegna þjónustu verktaka fyrir umhverfissvið. Lagt er til að gerður verði rammasamningur við verktaka í samræmi við framlagt erindi.

Bæjarráð samþykkir samhljóða framlagðan rammasamning.

Frá fjármálastjóra, lagðar fram mánaðarskýrslur fyrir nóvember og desember 2018.

Lagt fram.

Frá fjármálastjóra, lögð fram mánaðarskýrsla fyrir janúar 2019.

Lagt fram.

Deildarstjóri framkvæmdadeildar, Stefán Loftur Stefánsson, mætir á fund bæjarráðs og gerir grein fyrir stöðu mála.

Fundarhlé hófst kl. 8:51, fundi fram haldið kl. 9:20.

Lagt fram.

Frá bæjarstjóra, dags. 7. maí, lagt fram minnisblað vegna tillögu um skipan starfshóps um aðgerðaráætlun í loftlagsmálum sem vísað var til umsagnar hans í bæjarráði þann 21. mars sl.

Lagt fram.

Bókun:

"Fulltrúar Pírata, Samfylkingar og BF Viðreisnar fagna því að Kópavogsbær innleiði þrettánda heimsmarkmiðið um aðgerðir í loftslagsmálum, og ráðstafanir vegna loftslagsbreytinga verði þar með að finna í allri stefnumótun og skipulagi.

Sigurbjörg Erla Egilsdóttir, Pétur Hrafn Sigurðsson og Einar Örn Þorvarðarson."

Bókun:

"Tökum undir ofangreinda bókun.

Karen E. Halldórsdóttir

Hjördís Ý. Johnson

Birkir J. Jónsson"

Frá bæjarlögmanni, lagt fram erindi JSG lögmannsstofu dags. 6. mars varðandi hesthúsin Funaholt 8 og 9. Bæjarlögmaður fór yfir tillögu að lausn málsins í samræmi við erindi bréfritara á síðasta fundi bæjarráðs þann 2. maí sl. Samþykkti bæjarráð að fresta afgreiðslu málsins til næsta fundar.

Fundarhlé hófst kl. 9:46, fundi framhaldið kl. 10:02

Bæjarráð samþykkir tillöguna með þremur atkvæðum og hjásetu Péturs H. Sigurðssonar og Einars Ö. Þorvarðarsonar og felur bæjarlögmanni að ljúka málinu.

Bókun:

"Bæjarfulltrúar Samfylkingar, Pírata og BF Viðreisnar geta ekki samþykkt uppkaup á ónýtu hesthúsi á Glaðheimasvæðinu fyrir einbýlishúsaverð. Hér er verið að setja endapunkt á hörmulega vegferð Sjálfstæðisflokks og Framsóknarflokks sem hófst með því að bjarga uppkaupsmönnum á hesthúsum á svæði hestamannafélagsins Gusts á árinu 2006. Þessi vegferð hefur vægt áætlað, kostað Kópavogsbæ tæplega 6 milljarða króna á verðlagi dagsins í dag, fyrir kaup á landi sem var þrátt fyrir allt í eigu Kópavogsbæjar. Er leitun að annarri framkvæmd sveitarfélags á Íslandi sem hefur skilað álíka tapi.

Sigurbjörg E. Egilsdóttir

Einar Ö. Þorvarðarson

Pétur H. Sigurðsson"

Bókun:

"Það er eins og að eiga framtíðarbók í traustum banka að eiga Glaðheimalandið í Kópavogi. Nú þegar hefur verið úthlutað lóðum fyrir um 330 íbúðir í fyrsta áfanga og er flutt inn í stóran hluta þeirra. Úthlutunin í þessum fyrsta áfanga gaf tæplega 1,4 milljarða króna í bæjarsjóð auk gatnagerðargjalds, þessu til viðbótar munu tekjur af svæðinu nema ríflega hálfum milljarði á ári hverju inn í framtíðina í formi útsvars og fasteignagjalda. Næsta úthlutun í öðrum áfanga mun gefa í kringum 1,5 milljarð og að sama skapi ríflega hálfan milljarð í tekjur ár hvert. Samtals eru þetta því tæpir þrír milljarðar í úthlutun byggingaréttar og ríflega milljarður í tekjur ár hvert. Ekki er ljóst hverju áfangar 3 og 4 munu skila en þar er um talsverðar fjárhæðir að ræða. Þá er bókfært verð Glaðheimasvæðisins í dag 2,5 milljarðar króna. Þá er rétt að benda á að árið 1988 þegar hreinn meirihluti vinstri flokkanna var við völd í Kópavogi var gerður 50 ára samningur við hestamenn um Glaðheimasvæðið sem sýnir hversu skammt var hugsað.

Ármann Kr. Ólafsson

Karen E. Halldórsdóttir

Hjördís Ýr Johnson

Birkir J. Jónsson"

Fundarhlé hófst kl. 10:07, fundi fram haldið kl. 10:12.

Bókun:

"Vissulega mun Glaðheimalandið skila Kópavogsbæ tekjum til framtíðar. Gagnrýnin snýr að því að landið var keypt fyrir allt of háar fjárhæðir á sínum tíma. Ef rétt hefði verið staðið að málum hefðu tekjur Kópavogsbæjar orðið umtalsvert meiri.

Sigurbjörg E. Egilsdóttir

Einar Ö. Þorvarðarson

Pétur H. Sigurðsson"

Frá lögfræðideild, dags. 7. maí, lögð fram beiðni f.h. lóðarhafa Álalindar 18-20, Glaðsmíði ehf., um heimild til að veðsetja lóðina.

Bæjarráð samþykkir erindið samhljóða.

Frá fjármálastjóra og rekstrarstjóra menntasviðs, dags. 7. maí, lagt fram erindi um húsnæðismál tónlistarskólans Tónsala þar sem lögð eru til kaup húsnæðis að Ögurhvarfi 4a og útleiga til tónlistarskólans í kjölfarið.

Málinu frestað til næsta fundar.

Frá sviðsstjóra umhverfissviðs, dags. 6. maí, lagt fram erindi um stöðu framkvæmda á lóðum í Tóna- og Turnahvarfi.

Lagt fram.

Frá rekstrarstjóra menntasviðs, dags. 7. maí, lagt fram minnisblað vegna fyrirhugaðrar uppsetningar öryggismyndavéla í Sala, Smára- og Hörðuvallaskóla. Einnig lagt fram að nýju erindi sviðsstjóra umhverfissviðs með tillögu um uppsetningu öryggismyndavélakerfis frá 5. mars.

Bæjarráð samþykkir samhljóða uppsetningu myndavélakerfis utandyra, þar með talið við anddyri, í öryggis- og eignavörsluskyni.

Frá samgöngu- og sveitarstjórnarráðuneytinu, dags. 30. apríl, lögð fram tilkynning um að Grænbók um stefnu ríkisinsn í málefnum sveitarfélaga hafi verið lögð fram í samráðsgátt stjórnvalda til umsagnar.

Bæjarráð samþykkir að vísa erindinu til bæjarlögmanns til afgreiðslu.

Frá allsherjar- og menntamálanefnd Alþingis, dags. 30. apríl, lagt fram til umsagnar frumvarp til laga um skráningu einstaklinga (stjórnarfrumvarp).

Bæjarráð vísar málinu til bæjarlögmanns til afgreiðslu.

Frá velferðarnefnd Alþingis, dags. 30. apríl, lögð fram til umsagnar þingsályktunartillaga um framkvæmdaáætlun á sviði barnaverndar 2019-2022 (stjórnarfrumvarp).

Bæjarráð vísar málinu til bæjarlögmanns til afgreiðslu.

Frá Jónínu Hólmfríði Haraldsdóttur, dags. 30. apríl, lagt fram erindi um kaup á eignarhluta bæjarins í hesthúsinu að Heimsenda 1.

Bæjarráð vísar erindinu til sviðsstjóra umhverfissviðs og sviðsstjóra menntasviðs til umsagnar.

Fundargerð í 17. liðum.

Vísað til afgreiðslu bæjarstjórnar.

Fundargerð í 8. liðum.

Lagt fram.

Fundargerð í 9. liðum.

Lagt fram.

Fundargerð í 4. liðum.

Lagt fram.

Fundargerð í 6. liðum.

Lagt fram.

Fundargerð í 1. lið.

Lagt fram.