Bæjarráð - 3035. fundur

Frá bæjarritara, lögð fram mánaðarskýrsla fyrir desember.

Lagt fram.

Frá deildarstjóra gatnadeildar, dags. 8. febrúar, lagðar fram niðurstöður verðfyrirspurnar vegna endurnýjunar á götuljósalömpum og innkaupa á lömpum í tengslum við íbúakosningarverkefnið Okkar Kópavogur, þar sem lagt er til að gengið verði til samninga við S. Guðjónsson.

Bæjarráð samþykkir með fimm atkvæðum að ganga til samninga við S. Guðjónsson.

Frá gæðastjóra, dags. 8. febrúar 2021, lögð fram til samþykktar tillaga að nýrri og endurskoðaðri Gæðastefnu Kópavogs.

Bæjarráð samþykkir með fimm atkvæðum að vísa málinu til afgreiðslu bæjarstjórnar.

Frá lögfræðideild, lögð fram drög að reglum um auglýsingastyrki til stjórnmálaflokka, ásamt svari við fyrirspurn um auglýsingastyrki til stjórnmálaflokka á þessu kjörtímabili og því síðasta og upphæð þeirra, dags. 18. janúar. Bæjarráð frestaði erindinu á fundi sínum þann 28. janúar sl.

Lagt fram.

Fundarhlé hófst kl. 10:02, fundi fram haldið kl. 10:16.

Bæjarráð samþykkir, með þremur atkvæðum og hjásetu Theódóru S. Þorsteinsdóttur og Péturs H. Sigurðssonar, að vísa málinu til forsætisnefndar til umfjöllunar. Þangað til nýjar reglur liggi fyrir verði ekki auglýst af hálfu Kópavogsbæjar í blaðaútgáfum stjórnmálaflokkanna. Aukinheldur taki forsætisnefnd til umfjöllunar fjárhæð styrkja til stjórnmálaflokka, sbr. lög nr. 162/2006.

Bókun:

"Í ljós hefur komið að mikið ósamræmi er á framkvæmd við veitingu auglýsingastyrkja Kópavogsbæjar til stjórnmálaflokka og mörgum spurningum er enn ósvarað. Undirritaðar óska eftir svörum við því hvers vegna misræmi er á fjölda birtra auglýsinga og upphæðum styrkja á fram komnu yfirliti."

Theódóra S. Þorsteinsdóttir og Sigurbjörg E. Egilsdóttir

Bókun:

"Sit hjá við afgreiðslu málsins til forsætisnefndar. Ég tel enga ástæðu til að drepa málinu á dreif með því að tengja auglýsingastyrki til stjórnmálaflokka í blöðum þeirra við lögbundna styrki Kópavogs til rekstur stjórnmálaflokka. Þetta eru óskyld mál."

Pétur H. Sigurðsson

Fundarhlé hófst kl. 10:19, fundi fram haldið kl. 10:24

Frá forstöðumanni upplýsingatæknideildar, dags. 8. febrúar, lagt fram erindi þar sem óska er eftir heimild til að ganga til samninga við Stefnu ehf. og Akureyrarbæ um þróun á þjónustuappi.

Bæjarráð samþykkir að fresta málinu til næsta fundar.

Frá stafrænu ráði sveitarfélaga, dags. í janúar, lagt fram erindi til skýringar fyrir sveitarfélög um væntanlegt miðlægt tækniteymi hjá Sambandi íslenskra sveitarfélaga.

Bæjarráð samþykkir með fimm atkvæðum að vísa málinu til afgreiðslu bæjarstjórnar og felur bæjarritara að undirbúa viðauka fyrir fund bæjarstjórnar.

Frá umhverfis- og samgöngunefnd Alþingis, dags. 4. febrúar lagt fram til umsagnar frumvarp til laga um stefnumarkandi áætlanir á sviði samgangna, fjarskipta og byggðarmála (stjórnarfrumvarp).

Bæjarráð vísar erindinu til afgreiðslu bæjarlögmanns.

Frá umhverfis- og samgöngunefnd Alþingis, dags. 4. febrúar, lagt fram til umsagnar frumvarp til laga um breytingar á ýmsum lögum tengdum málefnum sveitarfélaga (stjórnarfrumvarp).

Bæjarráð vísar erindinu til afgreiðslu bæjarlögmanns.

Fundargerð í tíu liðum.

Lagt fram.

Fundargerð í 3 liðum.

Lagt fram.

Fundargerð í 9 liðum.

Lagt fram.

Fundargerð í 9 liðum.

Lagt fram.

Bæjarfulltrúi Theódóra S. Þorsteinsdóttir óskar eftir að fá samráðsfund með bæjarstjórn um skipulag í Hamraborg.

Bæjarráð samþykkir með fimm atkvæðum að vísa málinu til afgreiðslu bæjarstjóra.

Bæjarfulltrúi Theódóra S. Þorsteinsdóttir óskar eftir upplýsingum um hvort búið sé að undirbúa tillögur að samkeppni er varðar endurnýjun á Himnastiganum, sbr. fjárhagsáætlun.

Bæjarráð samþykkir með fimm atkvæðum að vísa málinu til umhverfis- og samgöngunefndar með áherslu á samráð við lista- og menningarráð.

Bæjarfulltrúi Theódóra S. Þorsteinsdóttir óskar eftir umræðu um úrræði sveitarfélagsins er varðar hús sem eru í niðurníðslu.

Bæjarráð samþykkir að vísa málinu til umsagnar bæjarlögmanns.

Fyrirspurn frá bæjarfulltrúa Sigurbjörgu Erlu Egilsdóttur um hvaða ábyrgð, skyldur og úrræði sveitarfélög hafa gagnvart húsnæði, og íbúum þess, þar sem ásigkomulagi, viðhaldi eða frágangi er þannig háttað að hætta getur stafað af því og/eða það er heilsuspillandi. Hvert er ferlið þegar ábending berst til Kópavogsbæjar um vanrækslu húsnæðis og fólk sem kann að búa þar við óviðunandi aðstæður?

Bæjarráð samþykkir að vísa málinu til umsagnar bæjarlögmanns.