Bæjarráð - 3248. fundur
í bæjarstjórnarsal, Hábraut 2
Mætt til fundar
Nefndarmenn
- Orri Vignir Hlöðversson - formaður
- Hjördís Ýr Johnson - varaformaður
- Andri Steinn Hilmarsson - aðalmaður
- Theódóra S Þorsteinsdóttir - aðalmaður
- Helga Jónsdóttir - aðalmaður
- Bergljót Kristinsdóttir - áheyrnarfulltrúi
- Sigurbjörg Erla Egilsdóttir - áheyrnarfulltrúi
- Ásdís Kristjánsdóttir - bæjarstjóri
Starfsmenn
- Pálmi Þór Másson - bæjarritari
Ritari
- Pálmi Þór Másson
Dagskrá fundar
Umbóta- og þróunarstjóri kynnir Minn Kópavog - nýja þjónustugátt.
Kynning og umræður.
Gestir viku af fundi kl. 8:41
Frá umbóta- og þróunarstjóra, dags. 03.03.2026, kynning á menningarmiðstöð í efri byggðum Kópavogs og Smáralind. Lagt er til við bæjarráð:
1. Að samþykkja tillögu að staðsetningu menningarmiðstöðvar í efri byggðum,
ásamt því að veita þróunar- og umbótastjóra umboð til áframhaldandi
mótunar og þróunar verkefnisins í samræmi við kynnta tillögu.
2. Að veita umbóta- og þróunarstjóra heimild til undirritunar leigusamnings við
Heima vegna leigurýmis í Smáralind, ásamt umboði til áframhaldandi þróunar
verkefnisins í samræmi við kynnta tillögu.
Kynning og umræður.
Gestir viku af fundi kl. 10.34.
Fundarhlé hófst kl. 10:35, fundi fram haldið kl. 10:45.
Bæjarráð samþykkir með þremur atkvæðum og hjásetu Helgu Jónsdóttur og Theódóru S. Þorsteinsdóttur tillögu að staðsetningu menningarmiðstöðvar í efri byggðum, ásamt því að veita þróunar- og umbótastjóra umboð til áframhaldandi mótunar og þróunar verkefnisins í samræmi við kynnta tillögu. Tillögunni vísað til staðfestingar bæjarstjórnar.
Bæjarráð samþykkir með þremur atkvæðum, gegn atkvæði Helgu Jónsdóttur og hjásetu Theódóru S. Þorsteinsdóttur að veita umbóta- og þróunarstjóra heimild til undirritunar leigusamnings við Heima vegna leigurýmis í Smáralind, ásamt umboði til áframhaldandi þróunar verkefnisins í samræmi við kynnta tillögu. Tillögunni vísað til staðfestingar bæjarstjórnar.
Fundarhlé hófst kl. 10:51, fundi fram haldið kl. 12:51
Andri Steinn Hilmarsson vék af fundi kl. 11:30 og tók Ásdís Kristjánsdóttir sæti varamanns í hans stað.
Bókun:
"Við áteljum að þessi mál séu lögð fyrir sem eitt. Annars vegar er ósk um heimild til mjög mikillar fjárbindingar með undirritun samnings við eigendur Smáralindar um leigu til 10 ára. Til þess að afgreiða þá tillögu telja undirritaðar nauðsynlegt að fyrir liggi mun skýrari upplýsingar en nú er. T.d. er áætlun um rekstrarkostnað alls ekki undirbyggð. Ljóst þarf að vera hvaða raunverulegur stofn- og rekstrarkostnaður fylgi samningum um menningarstarfsemi Kópavogsbæjar á nýjum stað. Enginn rökstuðningur er fyrir því af hverju tímabært er að leggja í þessa fjárfestingu og opna aðstöðu í Smáralind áður en bókasafn í efri byggðum getur orðið að raunveruleika. Víð óskum eindregið eftir fresti til að kanna þetta mál betur m.a. hvort aðrir aðilar á sama svæði hafi hug á að bjóða Kópavogsbæ aðstöðu. Í hinu málinu er samstaða um nauðsyn þess að almenningsbókasafn, sem verið getur vettvangur menningarviðburða, rísi í efri byggðum. Ekki er ágreiningur um staðsetningu í Kórnum ef greinargerð, sem við óskum eftir frá forstöðumanni bókasafns bæjarins staðfestir að 175 fermetrar dugi til þess að þjóna þeim markmiðum sem að hefur verið stefnt í efri byggðum."
Helga Jónsdóttir
Theódóra S. Þorsteinsdóttir
Sigurbjörg E. Egilsdóttir
Bergljót Kristinsdóttir
Bókun:
"Með menningarkjarna í Kórnum og samstarfi við Smáralind hefur skapast einstakt tækifæri til að færa menningarstarfsemi nær íbúum. Fram undan er fjölgun íbúa á svæðinu og mikilvægt að mæta þörfum þeirra. Að mati meirihlutans eru undirliggjandi gögn bæði vel ígrunduð og faglega fram sett af starfsmönnum bæjarins. Meirihlutinn sér því ekki tilefni til annars en að styðja í einu og öllu afgreiðslu Menningar- og mannlífsnefndar sem var samþykkt samhljóða."
Hjördís Ýr Johnson
Orri V. Hlöðversson
Ásdís Kristjánsdóttir
Bókun:
"Enn á ný kemur valdhroki og yfirgangur, sem meirihluti hefur sýnt minnihluta á þessu kjörtímabili skýrt fram, þegar neitað er um eðlilegan frest til að kynna sér stórmál með fullnægjandi hætti. Um er að ræða mjög háa og langvarandi fjárbindingu með 10 ára leigusamningi. Með málsmeðferðinni er vegið að umræðu, aðhaldi og ábyrgri ákvörðunartöku.
Rangar áherslur felast í forgangsröðuninni sem meirihlutinn leggur til. Með henni verður aðstaða í Smáralind, sem hvorki var rædd í aðdraganda kosninga né eftir þær, forgangsmál og opnuð 2027 en aðstaða í efri byggðum sem allir hafa verið sameinaðir um bíður til 2029. Sú röðun er m.a.s. í hróplegu ósamræmi við málefnasamning meirihlutans þar sem segir að stuðla skuli að því að menningakjarnar verði starfræktir í efri byggðum samhliða þungamiðju starfseminnar við Hamraborg og MEKÓ.
Að óbreyttu teljum við ekki forsvaranlegt að afgreiða málið. Skýr og rökstudd gögn um raunverulegan stofn- og rekstrarkostnað, forsendur kostnaðaráætlana og hvort aðrir raunhæfir valkostir hafi verið kannaðir þurfa að liggja fyrir."
Helga Jónsdóttir
Theódóra S. Þorsteinsdóttir
Sigurbjörg E. Egilsdóttir
Bergljót Kristinsdóttir
Bókun:
"Meirihluti vísar ásökunum um valdhroka á bug enda er verið að vinna út frá einróma samþykkt Menningar- og mannlífsnefndar. Ákvörðunin er algjörlega í samræmi við málefnasamning meirihluta enda er með henni verið að stuðla að því að menningarkjarni verði starfræktur í efri byggðum. Skipulagsferlið er fram undan og allt kapp verður lagt á að flýta þeirri vinnu þannig að hægt verði að opna menningarkjarna í Kórnum fyrir 2029. Hér er því stigið stórt skref í átt að enn blómlegra menningarlífi í Kópavogi."
Hjördís Ýr Johnson
Orri V. Hlöðversson
Ásdís Kristjánsdóttir
Frá umhverfissviði, lögð fram drög að loftlagsstefnu innri rekstrar Kópavogsbæjar. Lagt er til við bæjarráð að samþykkja sviðsmynd B. Jafnframt er lagt til að setja fram aðgerðaráætlun til tveggja ára í senn.
Frestað til næsta fundar.
Frá umhverfissviði, dags. 27.02.2026, lögð fram til samþykktar bæjarráðs drög að lóðarvilyrði.
Frestað til næsta fundar.
Frá umhverfissviði, dags. 02.03.2026, lögð fram beiðni um heimild til framsals á lóðunum Hallarhvarfi 1-3 og Hallarhvarfi 5-7 til verkefnafélagsins Hallahvarf ehf.
Bæjarráð samþykkir með tveim atkvæðum og hjásetu Helgu Jónsdóttur framsal á lóðunum Hallarhvarfi 1-3 og Hallarhvarfi 5-7 til verkefnafélagsins Hallahvarfs ehf. og vísar til staðfestingar bæjarstjórnar.
Frá umhverfissviði, dags. 02.03.2026, lögð fram umsögn um endurnýjum samstarfssamning Kópavogsbæjar og Skógræktarfélag Íslands.
Frestað til næsta fundar
Frá Siglingasambandi Íslands, dags. 21.02.2026, lögð fram áskorun til sveitarfélagsins.
Frestað til næsta fundar.
Frá Lánasjóði sveitarfélaga, dags. 02.03.2026, lagt fram erindi varðandi aðalfund sjóðsins sem haldinn verður 20.mars 2026.
Lagt fram.
Theódóra S. Þorsteinsdóttir vék af fundi kl. 13:13.
Fundargerð í fimm liðum.
Lagt fram.
9.3 - 25111339 - Eftirlit með einkaleikskólum og þjónustureknum leikskólum - Ylur
Ytra eftirlit með Waldorf leikskólanum Yl lagt fram til samþykktar.
Leikskólanefnd samþykkir úttekt leikskóladeildar.
9.4 - 25111337 - Eftirlit með einkaleikskólum og þjónustureknum leikskólum - Kór
Ytra eftirlit með Heilsuleikskólanum Kór lagt fram til samþykktar.
Leikskólanefnd samþykkir úttekt leikskóladeildar.
Fundargerð í sjö liðum.
Lagt fram.
10.6 - 2511188 - Styrkbeiðni vegna ritunar á sögu Breiðabliks í tilefni 80 ára afmælis félagsins
Tekið fyrir erindi frá Aðalstjórn Breiðabliks, dags. 31.10 2025, þar sem óskað er eftir styrk að upphæð 6 milljónir króna til ritunar sögu félagsins. Menningar- og mannlífsnefnd vísaði beiðninni til lýðheilsu- og íþróttanefndar á fundi sínum 4. febrúar.
Lýðheilsu- og íþróttanefnd vísar málinu til bæjarráðs á þeim forsendum að nefndin hefur ekki fjárheimildir til að ráðstafa í verkefnið.
Bæjarráð samþykkir að vísa erindinu til afgreiðslu bæjarritara.
Fundargerð í sex liðum.
Vísað til staðfestingar bæjarstjórnar.
11.2 - 25061878 - Naustavör 13. Leikskóli. Breytt deiliskipulag.
Lögð fram að nýju tillaga umhverfissviðs dags. 24. október 2025, uppf. 20. febrúar 2026 að breytingu á deiliskipulaginu Bryggjuhverfi við Kársnes fyrir lóðina nr. 13 við Naustavör. Í breytingunni felst stækkun á byggingarreit fyrirhugaðs leikskóla á lóðinni um 312 m², úr 900 m² í 1.212 m², stækkun lóðarinnar um 285 m² úr 4.600 m² í 4.885 m², hækkun gólfkóta byggingarreits úr 4.5 m.y.s í 5.3 m.y.s og hækkun byggingarreits úr 4m í 6m. Einnig er lögð til ný göngutenging austan lóðarinnar ásamt því að fyrirkomulag gatnamóta norðvestan lóðarinnar er breytt, í stað fyrirhugaðs hringtorgs verið T-gatnamót. Uppdrættir dags. 24. október 2025, uppf. 20. febrúar 2026. Tillagan var grenndarkynnt frá 12. desember 2025 til 15. janúar 2026, umsagnir og athugasemdir bárust á kynningartíma. Á embættisafgreiðslufundi skipulagsfulltrúa þann 23. febrúar 2026 var erindinu vísað til skipulags- og umhverfisráðs. Einnig er lögð fram umsögn skipulagsfulltrúa dags. 20. febrúar 2026.
Elín Mjöll Lárusdóttir verkefnastjóri tók sæti á fundinum undir þessum lið.
Samþykkt með vísan til umsagnar skipulagsfulltrúa dags. 20. febrúar 2026. Vísað til afgreiðslu bæjarráðs og bæjarstjórnar.
Vísað til staðfestingar bæjarstjórnar.
- Ágrip.Naustavör 13.Leikskóli
- Naustavör 13. Leikskóli. Uppdráttur dags. 24. október 2025 uppfært 20. febrúar 2026
- Umsögn skipulagsfulltrúa. Naustavör 13. dags. 20. febrúar 2026
- Naustavör 13. Skuggavarpsgreining uppfærð 6.febrúar 2026
- Allar athugasemdir
- Glærur af 25. fundi skipulags- og umhverfisráðs þann 2. mars 2026
11.4 - 2208454 - Kársnes þróunarsvæði. Rammahluti aðalskipulags.
Lagt fram að nýju erindi Skipulagsstofnunar dags. 3. febrúar 2026 varðandi breytingu á aðalskipulagi Kópavogs vegna rammahluta aðalskipulags fyrir vestanvert Kársnes. Einnig eru lögð fram drög að svarbréfi til Skipulagsstofnunar dags. 27. febrúar 2026 með viðbrögðum skipulagsfulltrúa við þeim athugasemdum sem gerðar eru ásamt uppfærðum rammahluta dags. 29. maí 2025, uppf. í febrúar 2026 m.t.t. erindis Skipulagsstofnunar. Tillögunni fylgir greining á áhrifum reitsins á stofnvegakerfið í samgöngulíkani höfuðborgarsvæðisins (SLH) dags. 16. maí 2025, sem VSÓ ráðgjöf vann samkvæmt beiðni Vegagerðarinnar, ásamt umferðargreiningu dags. 13. desember 2024.
Samþykkt með áorðnum breytingum dags. í febrúar 2026 með sex atkvæðum Hjördísar Ýrar Johnson, Andra Steins Hilmarssonar, Gunnars Sæs Ragnarssonar, Leós Snæs Péturssonar, Helgu Jónsdóttur og Hákonar Gunnarssonar. Vísað til afgreiðslu bæjarráðs og bæjarstjórnar.
Kristinn Dagur Gissurarson sat hjá við afgreiðslu málsins.
Vísað til staðfestingar bæjarstjórnar.
- Ágrip, dags 27. feb 26 _ Rammahluti aðalskipulags fyrir Kársnes_til staðfestingar
- Erindi Skipulagsstofnunar 3. febrúar 2026
- DRÖG_Bréf til Skipulagsstofnunnar dags. 27. febrúar 2026
- Kársnes rammahluti - Til staðfestingar_uppf feb 26
- Kársnes rammahluti - feb 26_breytingar með rauðum lit
- 24528 - 241205 - Umferðargreining Kársnestá
- Kársnes umferðagreining, dags.16.05.2025
- Glærur af 25. fundi skipulags- og umhverfisráðs þann 2. mars 2026
11.6 - 26011636 - Dimmuhvarf 10. Breytt deiliskipulag.
Lögð fram að nýju umsókn Bjarna Þorsteinssonar arkitekts dags. 20. janúar 2026 f.h. lóðarhafa lóðarinnar nr. 10 við Dimmuhvarf um breytingu á deiliskipulagi. Í breytingunni felst uppskipting lóðarinnar í tvær lóðir, hvor um sig 1773,5 m², einbýlishúsi á hvorri lóð og breyttri aðkomu að lóðunum. Núverandi stærð lóðar er skráð 3.547 m². Uppdrættir dags. 20. janúar 2026. Á embættisafgreiðslufundi skipulagsfulltrúa þann 23. febrúar 2026 var erindinu vísað til skipulags- og umhverfisráðs. Jafnframt er lögð fram umsögn skipulagsfulltrúa dags. 26. febrúar 2026.
Synjað með vísan til umsagnar skipulagsfulltrúa dags. 26. febrúar 2026 með sex atkvæðum Hjördísar Ýrar Johnson, Andra Steins Hilmarssonar, Gunnars Sæs Ragnarssonar, Leós Snæs Péturssonar, Helgu Jónsdóttur og Hákonar Gunnarssonar. Vísað til afgreiðslu bæjarráðs og bæjarstjórnar. Kristinn Dagur Gissurarson sat hjá við afgreiðslu málsins.
Vísað til staðfestingar bæjarstjórnar.
Fundargerð í þremur liðum.
Lagt fram.
Fundargerð í fimm liðum.
Lagt fram.
13.1 - 26023222 - Bókasafn í efri byggðum
Samkvæmt bókun menningar- og mannlífsnefndar, bæjarráðs og bæjarstjórnar um nýja menningarmiðstöð í Smáralind var gerð þarfagreining á bókasafni í efri byggðum sem hér er lögð fram.
Menningar- og mannlífsnefnd þakkar Ármanni Halldórssyni deildarstjóra umhverfissviðs kynningu á tillögu að staðsetningu menningarkjarna/bókasafns í efri byggðum út frá þarfagreiningu. Nefndin fagnar niðurstöðunni og samþykkir hana fyrir sitt leyti og vísar henni til afgreiðslu bæjarráðs og bæjarstjórnar. Nefndin telur að með nýrri menningarmiðstöð í Smáralind og nýjum menningarkjarna/bókasafni í Kórnum sé stuðlað að jöfnu aðgengi allra íbúa að menningarstarfsemi í Kópavogi, eins og menningarstefna bæjarins kveður á um. Nefndin leggur áherslu á aðkomu menningar- og mannlífsnefndar og starfsmanna menningarmála bæjarins að áframhaldandi mótun og þróun verkefnisins.
Vísað er til afgreiðslu máls nr. 2.
Fundargerð í fimm liðum.
Lagt fram.
Fundargerð í tveimur liðum.
Lagt fram.
Fundargerð 14. fundar stefnuráðs frá 27.02.2026.
Lagt fram.
Fundargerð 421. fundar stjórnar Strætó frá 13.02.2026.
Lagt fram.
18
Frá bæjarfulltrúum Viðreisnar, Pírata, Samfylkingar og Vina Kópavogs, ósk um að erindi um launaþróun greiðslna til myndlistarmanna komi á dagskrá bæjarráðs
Frá bæjarfulltrúum Viðreisnar, Pírata, Samfylkingar og Vina Kópavogs, dags. 03.03.2026 lagt fram erindi um að launaþróun greiðslna til myndlistarmanna í samræmi við verklagsreglur Kópavogsbæjar og taxta Sambands íslenskra myndlistarmanna.
Frestað til næsta fundar.