Bæjarráð - 2953. fundur

Frá lögfræðideild, dags. 1. apríl, lagður fram úrskurður kærunefndar útboðsmála í máli nr. 13/2018 þar sem kært var útboð á ræstingarþjónustu í fimm grunnskólum Kópavogs.

Lagt fram.

Frá sviðsstjóra umhverfissviðs, dags. 1. apríl, lagt fram svar við fyrirspurn um stöðu framkvæmda á úthlutuðum lóðum í Tóna- og Turnahvarfi.

Lagt fram.

Bæjarráð óskar eftir að aflað verði upplýsinga um framkvæmdaáætlanir vegna þeirra lóða sem framkvæmdir eru ekki hafnar við.

Frá sviðsstjóra menntasviðs, dags. 1. apríl, lagt fram erindi um framlengingu á sértækum aðgerðum í starfsmannamálum leikskóla og frístundar grunnskóla sem fólu í sér tímabundna hækkun greiðslna til tiltekinna ófaglærðra starfsmanna.

Bæjarráð samþykkir með fimm atkvæðum tillögu frá sviðsstjóra menntasviðs um framlengingu á sértækum aðgerðum í starfsmannamálum leikskóla og frístundar grunnskóla.

Frá deildarstjóra framkvæmdadeildar, dags. 2. apríl, lagðar fram niðurstöður útboðs í gatnagerð og lagnir í Auðbrekku, Skeljabrekku og Nesvör. Lagt er til að leitað verði samninga við lægstbjóðanda Óskatak ehf./Jarðbrú ehf.

Bæjarráð samþykkir með fimm atkvæðum að leitað verði samninga við Óskatak ehf./Jarðbrú ehf. um verkið "Gatnagerð og lagnir í Auðbrekku, Skeljabrekku og Nesvör".

Frá deildarstjóra gatnadeildar, dags. 2. apríl, lagðar fram niðurstöður útboðs í grasslátt í Kópavogi 2019-2021. Lagt er til að leitað verði samninga við lægstbjóðanda innan hvers svæðis fyrir sig; Hreinir garðar ehf. fyrir A og B hluta og Garðlist ehf. fyrir C hluta.

Bæjarráð samþykkir með fimm atkvæðum að leitað verði samninga um garðslátt í Kópavogi fyrir árin 2019-2021 við Hreina garða ehf. um A og B hluta og Garðlist ehf. um C hluta útboðs.

Frá stjórn Borgarholtsbrautar 19 ehf., dags. 29. mars, lagt fram erindi um aðkomu bæjarins að fjölgun bílastæða við Borgarholtsbraut 19.

Bæjarráð vísar erindinu til sviðsstjóra umhverfissviðs til umsagnar.

Frá EFS, dags. 18. mars, lagt fram erindi í tilefni af almennu eftirliti með fjármálum sveitarfélaga þar sem óskað verður eftir yfirliti um stöðu einstakra verkefna í árslok 2019.

Bæjarráð vísar erindinu til bæjarstjóra til úrvinnslu.

Frá EBÍ, dags. 25. mars, lagt fram erindi um styrktarsjóð EBÍ þar sem vakin er athygli á að frestur aðildarsveitarfélaga til að skila inn umsókn til sjóðsins sé til loka aprílmánaðar.

Bæjarráð vísar erindinu til bæjarritar til úrvinnslu.

Frá Gunnari Guðbjörnssyni, dags. 27. mars, lagt fram erindi um styrk til upptöku og útgáfu á söng- og kórlögum eftir Jónas Ingimundarson í tilefni af 75 ára afmælis hans.

Bæjarráð vísar erindinu til lista- og menningarráðs til úrvinnslu.

Frá Bjarka Baldurssyni, dags. 27. mars, lögð fram beiðni um styrk vegna Ólympíuleika í eðlisfræði sem fara fram dagana 7-15. júlí í Ísrael.

Bæjarráð vísar erindinu til starfsmannastjóra til afgreiðslu.

Fundargerð í 6. liðum.

Lagt fram.

Fundargerð í 16. liðum.

Lagt fram.

Fundargerð í 20. liðum.

Lagt fram.

Fundargerð í 5. liðum.

Lagt fram.

Fundargerð í 3. liðum.

Lagt fram.

Fundargerð í 1. lið.

Lagt fram.

Tillaga frá Karen E. Halldórsdóttur bæjarfulltrúar Sjálfstæðisflokks; óskað er eftir umsögn frá menntasviði og velferðarsviði um möguleika um að koma á fót geð og lýðheilsumiðstöð fyrir ungmenni á aldrinum 16 - 20 ára. Slíkt mætti hugsa í samstarfi við Molann ungmennahús. Nýlega gerði Hafnarfjörður samning við Kara connect um að auka aðgengi ungs fólks að fá sálfræðiaðstoð, líta mætti til þess módels sem þar er að byggjast upp eða horfa til frjálsra félagasamtaka sem sérhæfa sig í aðstoð til almennings.

Bæjarráð samþykkir með fimm atkvæðum að vísa erindinu til sviðsstjóra menntasviðs til umsagnar.

Fyrirspurn frá bæjarfulltrúum Pírata, Samfylkingar og BF Viðreisnar; óskað er eftir yfirliti yfir allar utanaðkomandi styrkbeiðnir sem bárust bæjarráði árið 2018 - hvaða upphæð var sótt um og ef styrkur var veittur, upphæð hans. Þetta á jafnframt við um beiðnir sem kunna að hafa borist en einhverra hluta vegna ekki ratað inn á dagskrá bæjarráðs.

Bæjarráð vísar fyrirspurninni til bæjarritara.

Fyrirspurn frá bæjarfulltrúum Pírata, Samfylkingar og BF Viðreisnar; óskað er eftir að fá upplýsingar um stöðu mála í framlögðu erindi sem lögð voru fram í bæjarráði á tímabilinu 26.07.2018-7.3.2019 og ekkert hefur spurst til.

Lagt fram.