Bæjarstjórn - 1206. fundur

2.2 - 1809655 - Jafnlaunastefna Kópavogsbæjar

Frá starfsmannastjóra, lögð fram til samþykktar uppfærð jafnlaunastefna Kópavogsbæjar vegna jafnlaunavottunar.

Bæjarráð samþykkir framlagða jafnlaunastefnu fyrir Kópavogsbæ.

Bæjarstjórn samþykkir með 11 atkvæðum framlagða jafnlaunastefnu Kópavogsbæjar.

7.12 - 1409556 - Umsókn um endurnýjun á leyfi til daggæslu barna.

Umsókn um endurnýjun á leyfi til daggæslu barna í heimahúsi í Kópavogi lögð fram til samþykktar.

Leikskólanefnd samþykkir endurnýjun á leyfi til daggæslu barna í heimahúsi.

10.3 - 1907164 - Brattatunga 1-9. Stækkun lóða.

Lagt fram að nýju að lokinni kynningu erindi lóðarhafa Bröttutungu 1 dags. 5. júlí 2019 þar sem óskað er eftir stækkun lóðar til suðurs um 120 m2 sbr. uppdrætti og skýringarmyndir. Á fundi skipulagsráðs 29. júlí 2019 var afgreiðslu málsins frestaði og óskað eftir umsögn skipulags- og byggingardeildar. Fimmtudaginn 26. september 2019 var haldin samráðsfundur með lóðarhöfum Bröttutungu 1-9 þar sem rætt var ósamræmi í lóðablöðum og lóðamörkum. Þá lögð fram tillaga skipulags- og byggingardeildar að breyttum lóðamörkum Bröttutungu 1-9 dags. 7. október 2019. Á fundi skipulagsráðs 7. október 2019 var samþykkt að grenndarkynna framlagða tillögu að breyttum lóðamörkum Bröttutungu 1-9 fyrir lóðarhöfum Bröttutungu 1, 2, 3, 4, 5, 6, 7, 9, Digranesvegi 78, 80, Hlíðarvegi 57, 61 og 66. Kynningartíma lauk 29. nóvember 2019. Ábendingar bárust á kynningartímanum og búið er að bregðast við þeim.

Skipulagsráð samþykkir erindið enda verði settar ákveðnar kvaðir í lóðaleigusamning. Vísað til afgreiðslu bæjarráðs og bæjarstjórnar.

Bæjarstjórn staðfestir afgreiðslu skipulagsráðs með 11 atkvæðum.

10.6 - 1909366 - Digranesheiði 31. Kynning á byggingarleyfi.

Lagt fram erindi Kristins Ragnarssonar arkitekts dags. 23. júlí 2019 fh. lóðarhafa Digranesheiði 31. Í erindinu er óskað eftir að reisa 69,2 m² viðbyggingu ofan á staðsteyptan bílskúr með risþaki. Samkvæmt samþykktum teikningum var gert ráð fyrir viðbyggingu, með einhalla skúrþaks, ofan á staðsteyptan bílskúr. Þessi hluti var ekki framkvæmdur.
Auk þess er óskað eftir að fá heimild til að breyta núverandi bílgeymslu í studíó íbúð. Alls verða þá þrjár íbúðir í húsinu og íbúafjöldi verða 6-8 manns. Uppdrættir í mkv. 1:100 og 1:500 dags. 23. júlí 2019.

Hafnað. Vísað til afgreiðslu bæjarráðs og bæjarstjórnar.

Bæjarstjórn staðfestir afgreiðslu skipulagsráðs með 10 atkvæðum og hjásetu Jóns Finnbogasonar.