Bæjarstjórn - 1306. fundur

08/10/202416:00–19:27

í bæjarstjórnarsal, Hábraut 2

Mætt til fundar

Nefndarmenn

Ásdís Kristjánsdóttir - aðalmaður
Hjördís Ýr Johnson - aðalmaður
Elísabet Berglind Sveinsdóttir - aðalmaður
Boðaði forföll
Elísabet Berglind Sveinsdóttir - varamaður
Sat fundinn í staðinn
Björg Baldursdóttir - aðalmaður
Hanna Carla Jóhannsdóttir - aðalmaður
Orri Vignir Hlöðversson - aðalmaður
Helga Jónsdóttir - aðalmaður
Kolbeinn Reginsson - aðalmaður
Theódóra S Þorsteinsdóttir - aðalmaður
Bergljót Kristinsdóttir - aðalmaður
Sigurbjörg Erla Egilsdóttir - aðalmaður

Starfsmenn

Pálmi Þór Másson - bæjarritari

Ritari

Pálmi Þór Másson

Dagskrá fundar

Afgreiðslur byggingarfulltrúa - 402. fundur frá 20.09.2024

2409017F

Fundargerð í níu liðum.

Bæjarstjórn staðfestir með 11 atkvæðum afgreiðslur byggingarfulltrúa.

Bæjarráð - 3188. fundur frá 26.09.2024

2409011F

Fundargerð í 15 liðum.

Lagt fram.

Fundarhlé hófst kl. 18:20, fundi fram haldið kl. 18:40

Dagskrárliður 2. Gjaldskrárhækkanir 2024

Bókun:

"Undirrituð árétta beiðni um að fá yfirlit yfir gjaldskrárhækkanir ársins með samanburði við gjaldskrár síðasta árs. Þau gögn sem hér eru lögð fram eru ófullnægjandi til þess að hægt sé að átta sig á hlutfallslegum hækkunum á ársgrundvelli."

Sigurbjörg E. Egilsdóttir

Einar Ö. Þorvarðarson

Helga Jónsdóttir

Bergljót Kristinsdóttir

2.6 - 24091982 - Bókun 129. fundar svæðisskipulagsnefndar. Starfs- og fjárhagsáætlun 2025

Lögð fram til samþykktar bæjarráðs og bæjarstjórnar, starfs- og fjárhagsáætlun svæðisskipulagsnefndar höfuðborgarsvæðisins fyrir árið 2025.

Bæjarráð samþykkir fyrir sitt leyti starfs- og fjárhagsáætlun svæðisskipulagsnefndar höfuðborgarsvæðisins fyrir árið 2025 og vísar henni til staðfestingar bæjarstjórnar.

Bæjarstjórn samþykkir með 11 atkvæðum starfs- og fjárhagsáætlun svæðisskipulagsnefndar höfuðborgarsvæðisins fyrir árið 2025 fyrir sitt leyti.

Bæjarráð - 3189. fundur frá 03.10.2024

2409019F

Fundargerð í 17 liðum.

Lagt fram.

Mál nr. 4 á dagskrá bæjarráðs:

Bókun:

"Áður en endanleg afgreiðsla tillögunnar fer fram telja undirritaðar nauðsynlegt að fyrir liggi frekari upplýsingar um húsnæðið og breytinga- og viðhaldsþörf þess miðað við hugsanlega nýtingu Kópavogsbæjar."

Bergljót Kristinsdóttir

Helga Jónsdóttir

Sigurbjörg Erla Egilsdóttir

Theodóra S. Þorsteinsdóttir

Bókun:

"Meirihlutinn telur kaupin á Hábraut skynsamlega fjárfestingu sem tryggir hagsmuni bæjarins til lengri tíma."

Orri V. Hlöðversson

Ásdís Kristjánsdóttir

Hjördís Ýr Johnson

Elísabet B. Sveinsdóttir

Bókun:

"Fyrr á þessum fundi samþykkti meirihlutinn heimild til að taka fjórða lánið á einu ári. Að þessu sinni 1,5 milljarða króna skammtímalán á 11% vöxtum. Fjárfesting í þessu húsnæði kallar óhjákvæmilega á frekari lántöku og nauðsynlegt að vita hver líklegur heildarkostnaður verður við fjárfestinguna og hvernig hún á að nýtast Kópavogsbæ.

Bergljót Kristinsdóttir

Helga Jónsdóttir

Sigurbjörg Erla Egilsdóttir

Theodóra S. Þorsteinsdóttir"

Mál nr. 5 á dagskrá bæjarráðs:

Bókun:

"Staðfest hefur verið að ekki var fylgt eftir ákvörðun bæjarstjórnar um að vinna samráðsáætlun fyrir verslunar- og þjónustusvæði á vestanverðu Kársnesinu. Undirritaðar leggja áherslu á að samkomulagið fari án dráttar til skipulagsráðs og verði hluti af heildstæðri vinnu um rammahluta skipulags á Kársnesi.

Þar sem samningurinn sem hér liggur fyrir var ekki kynntur fyrir bæjarfulltrúum þegar hann var gerður í upphafi árs og minnisblað lögfræðings segir að ekki sé þörf á staðfestingu bæjarráðs, óska undirritaðar eftir upplýsingum um hvort bæjarstjóri hafi hug á því að kynna samninga, sem hún gerir, fyrir bæjarráði í framtíðinni."

Sigurbjörg E. Egilsdóttir

Theódóra S. Þorsteinsdóttir

Bókun:

"Meirihlutinn ákvað að fara í vinnu við rammaskipulag fyrir þróunarsvæði á Kársnessvæðinu. Sú vinna stendur nú yfir með tilheyrandi samráði við íbúa og hagaðila. Rammaskipulagið mun leggja grunn að því skipulagi sem koma skal á þessari lóð eins og öðrum lóðum á þróunarsvæðinu.

Bæjarstjóri hefur lagt áherslu á að halda bæjarráði upplýstu og hyggst gera það áfram. Áfram verða samningar lagðir fram líkt og reglur kveða á um fyrir bæjarráð."

Orri V. Hlöðversson

Ásdís Kristjánsdóttir

Hjördís Ýr Johnson

Elísabet B. Sveinsdóttir

Bókun:

"Samningur sem hér liggur undir var ekki lagður fram af bæjarstjóra fyrr en hálfu ári síðar, þegar undirritaðar höfðu óskað eftir upplýsingum um stöðu mála á lóðunum.

Jafnframt telja undirritaðar nauðsynlegt að upplýsa skipulagsráð um samninginn."

Theodóra S. Þorsteinsdóttir

Sigurbjörg Erla Egilsdóttir

3.1 - 2402387 - Lántökur Kópavogsbæjar 2024

Frá fjármálasviði, lagt fram erindi þar sem óskað er eftir heimild bæjarráðs og bæjarstjórnar fyrir lántöku allt að 1,5 milljarða til að fjármagna framkvæmdir og að einhverju leiti til að endurfjármagna framkvæmdalán bæjarins á lokamánuðum 2024 og fyrri hluta ársins 2025.

Bæjarráð samþykkir með þremur atkvæðum og hjásetu Theódóru S. Þorsteinsdóttur og Helgu Jónsdóttur fyrir sitt leyti að veita umbeðna heimild fyrir lántöku og vísar málinu til staðfestingar bæjarstjórnar.

Bókun:
"Undirritaðar óska eftir að lagðar verði fyrir bæjarráð upplýsingar um lántökur bæjarins (skammtíma og langtíma) frá upphafi kjörtímabilsins til dagsins í dag ásamt upplýsingum um uppgreiðslur lána, afborganir, vaxtakjör og upphæðir greiddra vaxta- og verðtryggingar. Jafnfram er óskað eftir upplýsingum um áætlaðar lántökur næsta árs."

Bergljót Kristinsdóttir
Helga Jónsdóttir
Sigurbjörg E. Egilsdóttir
Theódóra S. Þorsteinsdóttir

Bæjarstjórn samþykkir með 6 atkvæðum og hjásetu Theódóru S. Þorsteinsdóttur, Sigurbjargar E. Egilsdóttur, Helgu Jónsdóttur, Kolbeins Reginssonar og Bergljótar Kristinsdóttur að taka skammtímalán hjá Lánasjóði sveitarfélaga að fjárhæð kr. 1.500.000.000 frá og með 15. október 2024 með gjalddaga 14. Janúar 2025 í samræmi við skilmála skammtímaláns sem liggur fyrir fundinum og bæjarstjórn hefur kynnt sér og veitir heimild til að framlengja því láni um þrjá mánuði til viðbótar teljist þörf á því. Lánið er tekið á grundvelli langtímalánsumsóknar hjá Lánasjóði sveitarfélaga. Vextir lánsins væru nú 11,063% en þeir taka mið af 3ja mánaða REIBOR vöxtum með 1,5% álagi þegar lánið er tekið.
Lánið er tekið til að fjármagna verkefni sveitarfélagsins sem fela í sér að vera verkefni sem hafa almenna efnahagslega þýðingu sbr. 3.gr. laga um stofnun opinbers hlutafélags um Lánasjóð sveitarfélaga nr. 150/2006.
Jafnframt er Ásdísi Kristjánsdóttur kt. 280978-3459 veitt fullt og ótakmarkað umboð til fyrir hönd Kópavogsbæjar að undirrita skammtímalánasamning við Lánasjóð Sveitarfélaga.

3.2 - 24051876 - Viðaukar við fjárhagsáætlun 2024

Frá fjármálasviði, lagðir fram viðaukar sjö og átta við fjárhagsáætlun 2024.
Viðauki sjö er vegna aukins kostnaðar við endurnýjuna götuljósa og viðauki átta vegna kaupa á húsnæðinu Hábraut 1.

Bæjarráð samþykkir viðauka 7 með fimm atkvæðum.
Bæjarráð samþykkir viðauka 8 með þremur atkvæðum gegn atkvæðum Helgu Jónsdóttur og Theódóru S. Þorsteinsdóttur.

Bæjarstjórn samþykkir viðauka 7 með 11 atkvæðum.
Bæjarstjórn samþykkir viðauka 8 með 6 atkvæðum og hjásetu Kolbeins Reginssonar, Helgu Jónsdóttur, Theódóru S. Þorsteinsdóttur Bergljótar Kristinsdóttur og Sigurbjargar E. Egilsdóttur.