Menningar- og mannlífsnefnd - 17. fundur

Tillaga meirihlutans um að veita styrk til bæjarhátíðar í Kópavogi sumarið 2027.

Óskað er eftir framlagi til menningarhúsanna í Kópavogi vegna sameiginlegra viðburða og annarra verkefna 2027.

Molinn og Salurinn óska eftir styrk að upphæð kr. 1.400.000 til að styðja við grasrót tónlistar og veita nýjum röddum aðgang að faglegu tónleikaumhverfi.

Einstaklingar óska eftir 500.000 kr. styrk vegna útitónleikahalds í Kópavogi.

Einstaklingur óskar eftir styrk að upphæð kr. 500.000 vegna sýningar, gjörnings og veggverks í samvinnu við Y-gallerý.

Samkór Kópavogs óskar eftir styrk að upphæð kr. 500.000 vegna starfsemi kórsins árið 2027.

Leikhópurinn Lotta óskar eftir styrk að upphæð 150.000 kr. til að sýna fjölskyldusöngleik á Rútstúni sumarið 2027.

Hjólastrætó Kársness óskar eftir styrk að upphæð kr. 44.995 til að festa kaup á hátalara fyrir hjólaferð foreldra og barna á föstudagsmorgnum.

Tækni Framtíðar ehf. sækir um styrk að upphæð kr. 600.000 til að bjóða upp á sex ókeypis smiðjur á aðalsafni og Lindasafni um gervigreind og skapandi skrif.

Einstaklingur sækir um styrk að upphæð 160.000 kr. til að halda PEERS námskeið í félagsfærni fyrir börn og fullorðna.

Prinsessur sækja um styrk að upphæð 305.000 til að halda fjórar fjöltyngdar sögustundir og föndurviðburði í Bókasafni Kópavogs með sérstakri áherslu á fjölskyldur flóttafólks og innflytjenda.

Prinsessur sækja um styrk að upphæð 580.000 kr. til að standa straum að árlegri ókeypis páskaeggjaleit fyrir 3-9 ára í Guðmundarlundi páskana 2027.

Einstaklingur óskar eftir styrk að upphæð 1.000.000 til að hanna og framleiða fatalínu sem verður lituð með jurtum úr Kópavogi.

Bílskúrsbandið Hekla og mæðraveldið óskar eftir styrk að upphæð 575.000 króna til að halda tónleika í Salarlaug þar sem flutt verður ábreiðutónlist með femínískum boðskap.

Einstaklingur óskar eftir styrk að upphæð 300.000 kr. til að semja nýtt verk fyrir Skólakór Kársness - að beiðni kórsins - sem flytja á haustið 2027 í tilefni af 70 ára afmæli skólans.

Leikfélag Kópavogs óskar eftir styrk að upphæð 1.800.000 kr. vegna 70 ára afmælissýningarinnar Við byggjum bæ. Sýningin er byggð á sögum, sérkennum og hversdagslífi Kópavogs.

Tveir einstaklingar óska eftir styrk að upphæð 1.500.000 kr. til að halda hádegistónleika í fjórum kirkjum Kópavogs. Tónleikarnir eru aðallega ætlaðir eldri borgurum sem búa ekki á dvalarheimilum.

Beck Liborius ehf. sækir um styrk að upphæð 600.000 kr. til að halda námskeið á sviði kikmyndagerðar undir heitinu Bíóklúbbur barnanna sumarið 2027. Námskeiðinu er ætlað að virkja áhuga barna á faginu. Styrknum er ætlað að lækka kostnað þátttakenda.

Leikhópurinn Skellibjalla sækir um styrk að upphæð kr. 1.450.000 til að setja upp nýja leikgerð í Salnum undir heitinu Jólaævintýri Skröggs. Fyrirhugaðar eru 16 sýningar í desember 2026.

Einstaklingur óskar eftir styrk að upphæð 500.000 kr. fyrir sýningu á samtímadansverkinu BAND sem unnið er í samstarfi við nýja íslenska ballettflokkinn Ballet Axis.

Hljómsveitin Dr. Gunni óskar eftir styrk að upphæð 250.000 kr. til að standa straum að hljómplötuútgáfu og tónleikum í tilefni af 25 ára afmæli hljómsveitarinnar á næsta ári.

Einstaklingur óskar eftir styrk að upphæð 600.000 kr. til að afla heimilda og skrá sögu Kársness. Verkefnið er óhagnaðardrifið og niðurstaðan opin öllum á vefnum Götusögur.

Einstaklingur sækir um styrk að upphæð 1.300.000 kr. fyrir dans- og tónlistarverkefnið Dansandi krakkastappa sem felur í sér gjaldfrjálsar danssmiðjur og mögulega lokasýningu.

Karlakór Kópavogs óskar eftir styrk að upphæð 1.250.000 kr. til kaupa á kórpöllum sem nýst geta öllu kórastarfi bæjarfélagsins með það að markmiði að auðga tónlistarlíf bæjarins.

Karlakór Kópavogs sækir um styrk að upphæð 650.000 kr. til að styðja við menningar- og félagsstarf kórsins á starfsárinu 2026-2027. Kórinn hefur það að markmiði að efla söngmenningu, varðveita íslenskar sönghefðir og stuðla að virku og fjölbreyttu félagsstarfi.

Forvitnissakir, félagasamtök óska eftir styrk að upphæð 800.000 kr. til að framkvæma þátttökusviðsverk og röð gjörninga og viðburða fyrir börn á aldrinum 8-12 ára í verslunarmiðstöðinni Smáralind veturinn 2027-28.

Sarabel ehf. sækir um styrk að upphæð 500.000 kr. til að sýna nýtt, íslenskt jólaleikrit fyrir og með börnum á leikskólaaldri í leikskólum og bókasöfnum.

Kvennakór Bliku óskar eftir styrk að upphæð 500.000 kr. til áframhaldandi starfsemi á afmælisárinu 2027, en meðal skipulagðra viðburða næsta árs eru tónleikar með þemanu Konur, æfingaferð og tónleikar með öðrum kór.

Ópus Reykjavík, félagasamtök óska eftir styrk að upphæð 550.000 kr. til að standa fyrir listviðburði sem selt verður inn á í Litla Saunahúsinu á Kársnesi 7. og 8. desember 2026 m.a. með það að markmiði að færa samtímalist út fyrir hefðbundin menningarrými.

Einstaklingur sækir um styrk að upphæð 500.000 kr. til að halda útgáfutónleika í Salnum í apríl 2027 í tilefni af útgáfu fyrstu breiðskífu sinnar, Nú eru góð ráð dýr.

Einstaklingur sækir um styrk að upphæð 950.000 kr. vegna verkefnisins Til útláns - bókverk í umferð, sem unnið er í samstarfi við Bókasafn Kópavogs frá janúar til desember 2027.

Dansgarðurinn og FORWARD Youth Company sækir um styrk að upphæð 439.354 kr. til að standa fyrir ókeypis dansviðburði utandyra í Hamraborg í júní 2027 þar sem sýndar verða styttri útgáfur tveggja samtímadansverka sem frumsýnd verða í Tjarnarbíói í maí 2027.

Mossley sækir um styrk að upphæð 500.000 kr. til að standa fyrir tónleikaröðinni Kársnesið rokkar sem ætlað er ungum og upprennandi hljómsveitum í Kópavogi. Tónleikaröðin stendur frá nóvember 2026 til maí 2027.

Einstaklingar óska eftir styrk að upphæð 600.000 kr. vegna Brekkusöngs 2027, sem fram fer í brekkunni á milli Roðasala og Skjólsala.

Einstaklingur óskar eftir styrk að upphæð 433.000 kr. vegna útgáfutónleika í Salnum þann 3. desember 2026.

Einstaklingur óskar eftir styrk að upphæð 200.000 kr. til að halda Íslandsmeistaramót í Kópavogi við að fleyta kerlingar á sumardaginn fyrsta árið 2027.

Pera Óperukollektíf, félag sækir um styrk að upphæð 2.000.000 kr. til að standa fyrir fjölbreyttum söngviðburðum í bænum; óperugöngum og/eða barnaóperu í skólum; óperusýningu og/eða spennandi söngtónleikum í Salnum; pop-up viðburðum í hverfum og/eða tónleikum í heimahúsum.

Sólfinna óskar eftir styrk að upphæð 500.000 kr. til að standa fyrir jazztónleikum ásamt kvartett sínum á sumarhátíð bæjarins.

Kór Lindakirkju óskar eftir styrk að upphæð 500.000 kr. til að standa fyrir tónleikunum Kópavogur í gospel í Lindakirkju vorið 2027. Flutt verða lög þekktra tónlistarmanna úr Kópavogi í nýrri útsetningu.

Einstaklingur óskar eftir styrk að upphæð 997.694 kr. til að heimsækja leikskóla í Kópavogi og flytja þar nýja barnatónlist fyrir nemendur og kennara.

Einstaklingur óskar eftir styrk að upphæð 500.000 kr. til að fullgera handrit að barnabók, prófa það með barnahóp og móta fyrstu hugmyndir að söguleið um bæinn.

Einstaklingur óskar eftir styrk að upphæð 940.000 kr. til að standa fyrir fjórum fjölþjóðlegum viðburðum í Gerðarsafni þar sem myndlist, silkiþrykk á textíl og matarupplifun mætast með þátttöku ólíkra listamanna.

Leikhópurinn BingoBango sf. óskar eftir styrk að upphæð 2.600.000 kr. til að setja upp barnaleiksýninguna Innblástur í Kópavogi. Sýningin er að mestu án tals og hlaut 4 tilnefningar til Grímuverðlaunanna 2026.

Einstaklingur óskar eftir styrk að upphæð 1.000.000 kr. til að standa fyrir afmælisfögnuði í Salnum og Krónikunni í tilefni af fertugsafmæli kvikmyndarinnar Stellu í orlofi.

Tveir einstaklingar óska eftir styrk að upphæð 980.000 kr. til að standa fyrir sjö tónleikum á hjúkrunarheimilum og safnaðarheimili bæjarfélagsins þar sem flutt verða gömul sönglög í bland við þekkt dægurlög.

Tveir einstaklingar óska eftir styrk að upphæð 1.200.000 kr. til að vinna að myndlistarverkefninu FÖR, þar sem minningum Kópavogsbúa úr íþróttahúsum bæjarins verður safnað saman og unnin úr þeim listaverk sem sýnd verða á ókeypis farandsýningu á þremur stöðum í Kópavogi haustið 2027.

Kraðak óskar eftir styrk að upphæð 2.286.500 kr. til að standa fyrir fjórum hátíðlegum samverustundum fyrir börn og fjölskyldur á aðventunni í Guðmundarlundi undir heitinu Jólalundur þar sem náttúra, menning og íslenskar jólahefðir mætast. Óskað er eftir þriggja ára samstarfssamningi fyrir árin 2027-2029 til að tryggja samfellu og uppbyggingu verkefnisins, en til vara styrk fyrir árið 2027.

Virago sf. óskar eftir styrk að upphæð 745.000 kr. til að halda gjaldfrjálst Tangókvöld í Kópavogi í samstarfi við Tangófélagið, fimm manna hljómsveit og DJ. Tangókvöldið gæti orðið hluti af Bæjarhátíð Kópavogs.

Einstaklingur óskar eftir styrk að upphæð 400.000 kr. til að setja upp hljóðinnsetninguna Tif á Kópavogshátíðinni 2027. Verkið myndar hljóðræna gönguleið um grænt svæði í Kópavogi sem verður leidd af listamanninum í eitt til tvö skipti.

Einstaklingur óskar eftir styrk að upphæð 400.000 kr. til útgáfu- og afmælistónleika í Salnum í ágúst 2027 í tilefni af útgáfu nýrrar plötu, Síðast en ekki síst, sem inniheldur áður óútgefin lög við íslenskan skáldskap. Gert er ráð fyrir miðasölu.

Söguhringur Frásagnarfélag óskar eftir styrk að upphæð 420.000 kr. til að halda fimm opna söguhringi í Kópavogi, einn í hverju hverfi bæjarins með það að markmiði að efla frásagnarlist, samveru og menningarlega þátttöku í nærumhverfi íbúa.

Y gallery sækir um styrk að upphæð 1.500.000 kr. (ath.skv.leiðréttingu frá umsækjanda) til að halda sex sýningar íslenskra og erlendra samtímalistamanna árið 2027-2028 í sýningarrými fyrrum bensínstöðvar Olís í Hamraborg. Aðgangur að sýningunum er gjaldfrjáls.

Kammerhópurinn Accademia delle dissonanze sækir um styrk að upphæð 400.000 kr. til að halda þrenna tónleika í Kópavogi (í Salnum, Lindakirkju og Hjallakirkju.) á starfsárinu 2027-2028, þar sem flutningur á eldri tónlist á upprunahljóðfæri er í forgrunni.

Einstaklingur óskar eftir styrk að upphæð 600.000 kr. til að halda fimm ókeypis söngstundir með virkri þátttöku barna á aldrinum 0-10 ára og fjölskyldum þeirra á mismunandi stöðum í Kópavogi á tímabilinu janúar 2027 til janúar 2028.

Tveir einstaklingar sækja um styrk að upphæð 176.000 kr. til að setja upp nýjan gagnvirkan söngleik, Meðleik, sem byggir á klassískum íslenskum sönglögum, með þátttöku áhorfenda. Sýnt verður í Salnum, Reykjanesbæ og á Akureyri.

Einstaklingur óskar eftir styrk að upphæð 450.000 kr. til verkefnisins ÆTIBEÐ, sem felst í að setja upp og fræða íbúa um gróðurbeð með ætilegum plöntum á fjórum leiksvæðum í Kópavogi sumarið 2027.

Vökufélagið - félag þjóðlistafólks sækir um styrk að upphæð 3.000.000 kr. fyrir árlega hátíð sína, en styrknum er einkum ætlað að standa undir ungmennahátíð fyrir 16-26 ára.

Einstaklingur óskar eftir styrk að upphæð 900.000 kr. til að halda stóran dansviðburð með raftónlist og plötusnúðum í Kópavogi.

Tveir einstaklingar sækja um styrk að upphæð 2.500.000 kr. til að kanna möguleika á stofnun atvinnuleikhóps í Kópavogi undir heitinu Listaleikhúsið í Kópavogi (LíK), með ólíkri nálgun.

Elja kammersveit óskar eftir styrk að upphæð 1.329.000 kr. til að greiða laun flytjenda á tónleikunum Tileinkun á Tíbrá í Salnum auk kynningartónleika annars staðar í Kópavogi.

Félag íslenskra píanóleikara óskar eftir styrk að upphæð 2.250.000 kr. til að halda Alþjóðlegu píanókeppnina og sumarnámskeið WPTA í þriðja sinn í samstarfi við Salinn, Tónlistarskóla Kópavogs og Opna Listaháskólann.

Tríó Jós óskar eftir styrk að upphæð 2.354.040 kr. til að flytja 21 tónlistarleiksýningu á öllum opinberum leikskólum Kópavogs til að kynna börnum klassíska tónlist og þjóðlagatónlist með söng, hreyfingu og virkri þátttöku.

Einstaklingur óskar eftir styrk að upphæð 1.480.000 kr. til að þróa og setja upp þátttökuleikhús- og ritsmiðjuverkefnið Allir sem við þekktum sem að dóu, með einni eða fleiri sýningum.

Sundballettinn Eilífðin sækir um styrk að upphæð 400.000 kr. til að halda sex sundballetttíma í sundlaugum Kópavogs haustið og veturinn 2027.