Hafnarstjórn - 124. fundur

Frá Vegagerðinni, dags. 31. janúar 2022, lagt fram erindi þar sem óskað er eftir upplýsingum varðandi vöruflutninga og heimaflota.

Hafnarstjórn samþykkir að vísa málinu til afgreiðslu hafnarvarðar.

Frá hafnarverði, dags. 14.02.2022, lagt fram yfirlit yfir stöðu greiddra hafnargjalda árið 2020 og 2021.

Lagt fram.

Umræða um gáma á hafnarsvæði. Hafnarstjórn ákvað á fundi sínum þann 10. desember 2020 að frestur til að fjarlægja gáma yrði veittur til 31.12.2021.

Umræður.

Óskað eftir upplýsingum um reglur um losun snjóskafla í vörubílaförmum í sjóinn við hafnarsvæðið og hvort leyfi frá Heilbrigðisyfirvöldum heimili slíkar massalosanir, meðal annars m.t.t. mengunarvarna.

Hafnarstjórn samþykkir að fela starfsmanni hafnarstjórnar að afla upplýsinga frá heilbrigðiseftirlitinu (HEF).

Óskað eftir upplýsingum um leyfi tilgreinds báts sem sökk við höfnina nú á dögunum. Óskað eftir upplýsinum um fyrirkomulag við að ná bátnum á land; vegna mengunar og kostnaði sem af því getur hlotist.

Birkir Rútsson deildarstjóri gatnadeildar fór yfir stöðu málsins. Hafnarstjórn var sammála tillögu Birkis að Kópavogbær kaupi skipið fyrir núll krónur og nái því úr höfninni. Auður C. Sigrúnardóttir situr hjá við afgreiðslu málsins.

Óskað eftir kynningu á ylströnd á Kársnesi.

Frestað.

Óskað eftir reglum um umgengni verktaka og eftirfylgni bæjaryfirvalda á byggingar- og fyrirtækjalóðum á hafnarsvæði Kársness.

Hafnarstjórn samþykkir með fimm atkvæðum að vísa erindinu til umsagnar byggingarfulltrúa.

Óskað eftir stöðu mála og kallað eftir framkvæmdaáætlun um tiltekt á hafnarsvæði Kársness.

Lagt fram.