Íþróttaráð - 85. fundur

Lögð fram stutt kynning á menntasviði Kópavogsbæjar og íþróttadeild sviðsins.

Sviðsstjóri menntasviðs og deildarstjóri íþróttadeildar kynntu starfsemi menntasviðs sem og verkefni og umfang íþróttadeildar.

Kynning á samstarfsverkefni Kópavogsbæjar, íþróttafélaganna og The Unity of Faith Foundation. Verkefnið miðar að því að bjóða börnum sem aldrei hafa stundað íþróttir að koma og æfa frítt í þrjá mánuði.

Gunnar Guðmundsson íþróttafulltrúi kynnti verkefnið.

Á 81. fundi ráðsins greindi deildarstjóri frá greiningarvinnu sem var í vinnslu hjá Kópavogsbæ varðandi virkni barna og unglinga í íþróttum í Kópavogi.

Málinu frestað til næsta fundar.

Fjögur undanfarin ár hefur Íþróttahátíð Kópavogs verið haldin í samvinnu við íþróttafélög í bænum á starfsstöðvum þeirra.

Íþróttaráð samþykkir að íþróttahátíð Kópavogs 2018 verði haldin í Íþróttamiðstöð/Golfskála GKG í samvinnu við golfklúbbinn fyrri hluta janúar 2019.

Lagt fram erindi Skotíþróttafélags Kópavogs (SFK), dags. 26. sept. sl., félagið ítrekar beiðni sína um styrk vegna endurnýjunar tækjabúnaðar í skotsal félagsins. Heppilegur búnaður hefur fundist og hefur stjórn SFK tekið ákvörðun um að kaupa tækin en um er að ræða norskan búnað af nýjustu gerð sem styður við fleiri skotíþróttagreinar en áður hefur verið mögulegt.

Óskað er eftir því að Kópavogsbær styrki verkefnið eins og mögulegt er, allt að helming fyrirsjáanlegs kostnaðar. Skotíþróttafélagið mun sjá um uppsettningu búnaðarins og að miklu leyti mun sú uppsetning fara fram í sjálfboðaliðavinnu félagsmanna.

Íþóttaráð samþykkir að styrkja kaup á nýjum tækjabúnaði á móti félaginu.

Lögð fram umsókn aðalstjórn HK, f.h. knattspyrnudeildar félagsins, um að halda, 2ja daga samfellt knattspyrnumót stúlkna í janúar 2019 í Kórnum, nánar tiltekið 19. til 20. jan.

Íþróttaráð samþykkir erindið.

Lögð fram umsókn alalstjórn HK, f.h. knattspyrnudeildar félagsins, um að halda, 2ja daga samfellt knattspyrnumót 6. flokks drengja og stúlkna í 3. til 4. nóvember 2018 í Kórnum.

Íþróttaráð samþykkir erindið.

Lögð fram umsókn aðalstjórn HK, f.h. knattspyrnudeildar félagsins, um að halda, 2ja daga samfellt knattspyrnumót 8. flokks drengja og stúlkna í febrúar 2019 í Kórnum, nánar tiltekið 16. til 17. feb.

Þar sem fjárhagsáætlun fyrir árið 2019 hefur ekki enn verið samþykkt, þá getur íþróttaráð því miður ekki samþykkt erindið að svo stöddu. Íþróttaráð er hins vegar mjög jákvætt fyrir erindinu og verður það tekið fyrir að nýju þegar fjárhagsáæltlun 2019 liggur fyrir.

Íþróttaráð samþykkir framlagða áætlun.