Íþróttaráð - 143. fundur

Á fundinn mættu Auður D. Kristinsdóttir, skipulagsfulltrúi og Elín Mjöll Lárusdóttir, arkitekt á skipulagsdeild og kynntu breytt skipulagsmörk við Hörðuvelli - Tröllakór.

Íþróttaráð þakkar Auði og Elínu Mjöll fyrir góða kynningu.

Íþróttaráð leggur áherslu á að tryggja þurfi gott aðgengi að hleðsludyrum á suðurhluta Kórsins svo að stærri ökutæki geti athafnað sig þar þegar stórir viðburðir eru haldnir í mannvirkinu. Með breyttu deiliskipulagi takmarkast möguleikar á að komast að og frá hleðsludyrunum.

Deildarstjóri íþróttadeildar lagði fram og kynnti yfirlit yfir fjárhagsstöðu íþróttafélaga í Kópavogi á tímabilinu 2014 - 2023.

Lagt fram

Lagt fram erindi frá Aðalstjórn HK, dags. 15. júlí 2024, þar sem óskað er samþykkis á staðsetningum og stærð auglýsinga vegna mögulegar nafngiftar íþróttamannvirkja í Kórnum. Vísað er til reglna íþróttaráðs um auglýsingar í íþróttamannvirkjum Kópavogsbæjar.

Íþróttaráð vísar í umsögn deildarstjóra eignadeildar og felur deildarstjóra íþróttadeildar að svara erindinu.

Lagt fram erindi frá Knattspyrnufélaginu Ísbirninum, dags. 7. ágúst 2024, þar sem óskað er eftir styrk frá íþróttaráði vegna þátttöku félagsins í Meistaradeild Evrópu í Futsal. En styrkir frá UEFA og KSÍ ná ekki að dekka kostnað félagsins við þátttöku.

Íþróttaráð getur ekki orðið við erindinu.

Lagt fram erindi frá Aðalstjórn HK dags. 1. ágúst 2024, þar sem óskað er eftir að fá afnot af Kórnum helgina 9.-10. nóvember, 16.-17. nóvember 2024 og 18.-19. janúar 2025 undir knattspyrnumót yngri flokka.

Íþróttaráð samþykkir erindið.

Deildarstjóri íþróttadeildar fór yfir stöðu framkvæmda og viðhaldsverkefna í íþróttamannvirkjum fyrir árið 2024.

Lagt fram

Deildarstjóri íþróttadeildar lagði fram minnisblað og fór yfir akstur Frístundarútu veturinn 2024-2025 og þær breytingar sem orðið hafa.

Lagt fram.