Leikskólanefnd - 78. fundur

Boðað var til sameiginlegs fundar allra fastanefnda á Menntasviði Kópavogs, til að kynna drög að lýðheilsustefnu Kópavogsbæjar sem lögð voru fram til umsagnar á 77. fundi leikskólanefndar þann 15.desember sl.

Sigríður Kristín Hrafnkelsdóttir verkefnastjóri greindi frá með hvaða hætti upplýsingaöflun og útvinnsla fyrirliggjandi gagna fór fram, og þeim verkferlum sem stýrihópur verkefnisins fylgdi við framsetningu á fyrirliggjandi drögum að lýðheilsustefnu Kópavogs.

Að lokinni kynnningu Sigríðar Kristínar verkefnisstjóra var fundarmönnum gefinn kostur á fyrirspurnum sem og að koma á framfæri athugasemdum varðandi fyrirliggjandi drög. Almennar umræður. Afgreiðslu frestað til næsta fundar.

Boðað var til sameiginlegs kynningarfundar fastanefnda Menntasviðs á niðurstöðum rannsóknar fyrirtækisins Rannsókn og Greining, sem gerð var meðal nemenda í 8., 9., og 10. bekk grunnskólans árið 2016.

- Ungt fólk 2016, Lýðheilsa ungs fólks í Kópavogi -.

Á fundinn kom Margrét Lilja Guðmundsdóttir fulltrúi R&G og kynnti helstu niðurstöður rannsóknarinnar. Almennar fyrirpurnir og umræður Lagt fram.