Lista- og menningarráð - 73. fundur

Hrafn Sveinbjarnarson forstöðumaður Héraðsskjalasafns fer yfir ýmis mál safnsins.

Lista- og menningarráð þakkar Hrafni Sveinbjarnarsyni fyrir greinargóða kynningu á starfi Héraðsskjalasafns Kópavogs og gerir sér grein fyrir því að safnið þurfi aukið geymslurými á næstu árum.

Farið yfir drög að samningi við Cycle Music and Art Festival til tveggja ára.

Ráðið samþykkir samninginn.

Lögð fram umsókn um skyndistyrk frá Anarkiu.

Lista- og menningarráð sér sér ekki fært að verða við styrkbeiðninni að svo komnu máli.

Ráðið ákvarðar upphæð til listaverkakaupa.

Lista- og menningarráð hefur hug á að taka upp að nýju kaup á listaverkum til að efla safnkost Gerðarsafns að fenginni stefnu frá forstöðumanni Gerðarsafns í listaverkakaupum til næstu þriggja ára. Æskilegt væri að fá hugmyndir frá forstöðumanni Gerðarsafns um sýningarhald á safneign á næstu árum. Málið tekið upp að nýju að fengnum upplýsingum frá forstöðumanni.

Ráðið fer yfir tillögur Sigtryggs Baldurssonar bæjarlistamanns.

Ráðið leggur til að bæjarlistamaður vinni úr tillögunum í samráði við Ólöfu Breiðfjörð verkefnastjóra barnastarfs Menningarhúsanna og Aino Freyju forstöðumann Salarins. Í ljósi tillögu bæjarlistamanns um Millaball í Kópavogi leggur ráðið til að tekið verði upp samtal við framkvæmdastjóra Markaðsstofa Kópavogs um mögulega útfærslu á slíkum viðburði.

Aino Freyja, forstöðumaður Salarins, leggur fram drög að dagskrá haustsins í Salnum.

Ráðið bókar að framundan sé mjög metnaðarfull dagskrá í Tíbrá í haust og spennandi barnadagskrá í Salnum.

Rætt um Minnisvarða um Jón úr Vör - Skáldaróm eftir Grím Marínó.

Ráðið vísar málinu til Kristínar, forstöðumanns Gerðarsafns. Óskar ráðið eftir því að forstöðumaður Gerðarsafns formgeri verkið sem gjöf til bæjarins og finni því svo stað í námuda við Menningarhúsin í samstarfi við forstöðumann Bókasafns Kópavogs. Fái tilboð í uppsetningu á verkinu ásamt hreinsun sem svo yrði lagt undir lista- og menningaráð.