Tímatöflur íþróttamannvirkja 2012/2013

Málsnúmer: 1208340

Ferill máls

Bæjarráð - 2656. fundur

Lagðar fram tímatöflur fyrir íþróttahús bæjarins fyrir veturinn 2012-2013 eins og þær liggja nú fyrir. Starfsmenn vinni áfram að málinu, sbr. lið 2 í fundargerð íþróttaráðs 26/9.

Lagt fram.

Skoða fundargerð

Íþróttaráð - 16. fundur

Lagður fram tölvupóstur frá formanni Breiðabliks sem barst 15. ágúst sl. rétt fyrir síðasta fund ráðsins.$line$

Starfsmenn gerðu grein fyrir þeirri vinnu sem farið hefur fram við endurskoðun tímataflna íþróttahúsanna frá síðasta fundi ráðsins. Í framhaldi af þeim fundi óskuðu forsvarsmenn Breiðabliks og HK eftir aðkomu starfsmanna deildarinnar þar sem þau höfðu ekki náð samkomulagi um skipti á tímum.Lagðar fram tímatöflur fyrir íþróttahús bæjarins fyrir veturinn 2012-2013 eins og þær liggja nú fyrir. Starfsmenn vinni áfram að málinu. Íþróttaráð óskar eftir því við íþróttafélögin að þau sendi tímatöflur allra íþróttahúsa er rekin eru á þeirra vegum til íþróttadeildar. Bókun 1.Fulltrúi Samfylkingarinnar gagnrýnir að öll gögn málsins, svo sem bréf frá forsvarsmanni Breiðabliks hafi ekki verið sent til allra ráðsmanna eftir að það barst. Einnig ítrekar fulltrúinn ósk um aukið gagnsæi og gott samstarf í íþróttaráði. Bókun 2Íþróttaráð vill að gefnu tilefni fjalla um samþykkt Bæjarstjórnar Kópavogs frá 25. sept. sl.Tímatöflur þær sem samþykktar voru í íþróttaráði 15. ágúst sl. hafa þegar tekið breytingum í samráði við forystumenn HK og Breiðabliks. Það væri ábyrgðarhluti að hverfa til fyrra horfs nú þegar foreldrar og forráðamenn barna og unglinga hafa lagað sig að breyttu fyrirkomulagi.<?xml:namespace prefix = o ns = "urn:schemas-microsoft-com:office:office" /><o:p></o:p>Í fyrrnefndri bókun er ranglega farið með dagsetningu, því bréf frá formanni Breiðabliks barst með tölvupósti til formanns íþróttaráðs, starfsmanna íþróttadeildar og bæjarritara kl. 11:28 eða 32mín. fyrir boðaðan fund þann 15. ágúst en ekki þann 14. ágúst eins og ranglega kemur fram.<o:p></o:p>Höfðu hvorki formaður né deildarstjóri vitneskju um bréfið áður en fundur hófst en það eru þeir aðilar er undirbúa fundina.<o:p></o:p>Tímatöflur í íþróttahúsum bæjarins eru undirbúnar af starfsmönnum íþróttadeildar og samþykktar í íþróttaráði að hausti ár hvert. Starfsfólk íþróttadeildar og íþróttaráð vann að bestu samvisku að málinu. Þetta árið byggðist vinnan á samkomulagi stóru íþróttafélaganna frá 2009 og starfi samninganefndar bæjarins þar um.<o:p></o:p>Íþróttaráð leggur ríka áherslu á að íþróttafélögin efli samstarf sín á milli með aukinni samnýtingu á íþróttasölum íþróttahúsanna. <o:p></o:p>

Skoða fundargerð

Bæjarstjórn - 1063. fundur

Tímatöflur íþróttamannvirkja bæjarins, sem íþróttaráð samþykkti á fundi sínum þann 15. ágúst sl.

Til máls tók Gunnar Ingi Birgisson og lagði fram eftirfarandi tillögu:"Undirritaðir leggja til að tímatöflur í íþróttahúsum Kópavogsbæjar sem ákveðnar voru í íþróttaráði verði endurskoðaðar. Niðurstöður endurskoðunar verði kynntar á næsta fundi bæjarstjórnar.Málið var lítið sem ekkert kynnt fyrir bæjarfulltrúum utan bæjarráðs. Bréf barst frá Breiðabliki þann 14. ágúst, en var ekki tekið fyrir á fundi íþróttaráðs, þótt vitað væri um tilvist þess. Lítið sem ekkert samband var haft við Gerplu um þessa skiptingu, þrátt fyrir að 1.000 börn séu á biðlista eftir því að stunda fimleika.Einnig er óskað eftir upplýsingum um samskipti bæjarins við Breiðabliks og Gerplu.Gunnar Ingi Birgisson, Aðalsteinn Jónsson"Þá tóku til máls Hafsteinn Karlsson, Arnþór Sigurðsson, Ármann Kr. Ólafsson, bæjarstjóri, Guðríður Arnardóttir, Gunnar Ingi Birgisson, Ármann Kr. Ólafsson, bæjarstjóri, Aðalsteinn Jónsson, Arnþór Sigurðsson, Hjálmar Hjálmarsson, Ómar Stefánsson, Aðalsteinn Jónsson, Rannveig Ásgeirsdóttir, Gunnar Ingi Birgisson, Hjálmar Hjálmarsson, Ómar Stefánsson og Ármann Kr. Ólafsson, bæjarstjóri. Bæjarstjórn samþykkir tillöguna með sjö atkvæðum gegn fjórum.

Skoða fundargerð

Íþróttaráð - 15. fundur

Lagðar fram tímatöflur fyrir íþróttamannvirki bæjarins fyrir komandi vetur. Töflurnar taka mið af óskum íþróttafélaganna um skipan þjónustusvæða. Íþróttaráð samþykkir framlagðar tímatöflur fyrir sitt leiti en mun eftir sem áður úthluta ónotuðum tímum til annarra aðila.

Skoða fundargerð