Staða í starfsmannamálum í leikskólum, auglýsingar o.fl.

Lögð fram könnun um hve marga starfmenn skorti í leikskólum í dag. Það vantar um 17 stöðugildi. Fulltrúi leikskólastjóra lýsti óánægju sinni með að geta ekki auglýst þannig að leikskólinn sé áberandi í fyrirsögn auglýsingarinnar. Það er mikil samkeppni um leikskólakennara og mikilvægt að geta vakið athygli með auglýsingum. Fulltrúi leikskólastjóra bendir einnig á að það þurfi að bæta kjör í leikskólum Kópavogs. Málið verði tekið upp á næsta fundi.