Dimmuhvarf 2, fjárveiting til viðhalds og breytinga

Málsnúmer: 1302305

Ferill máls

Bæjarráð - 2674. fundur

Framkvæmdaráð leggur til við bæjarráð að 10 milljónir af þeim 70 milljónum sem ætlaðar eru í hönnun á Austurkór 3b samkvæmt fjárhagsáætlun 2013 verði nýttar í brýnt viðhald og endurbætur á fasteignum vegna málefna fatlaðra. Jafnframt er lagt til að fjárveitingu við hönnun á Austurkór 3b verði vísað til fjárhagsáætlunar 2014. Samþykkt með tveimur atkvæðum. Guðríður Arnardóttir greiðir atkvæði á móti. $line$

Bæjarráð samþykkir tillögu framkvæmdaráðs.Guðríður Arnardóttir lagði fram eftirfarandi bókun: "Undirrituð bendir á þá staðreynd að um leið og meirihluti framkvæmdaráðs ætlar að ráðast í viðhald og breytingar á sambýlinu við Dimmuhvarf mun það fresta byggingu sérhannaðra íbúða við Austurkór ætlaðar til búsetu fyrir fatlað fólk. Það tel ég ekki ásættanlegt og hefði talið eðlilegt að félagsmálaráð veitti umsögn um málið. Á það skal bent að það er afar brýnt að framkvæmdir við íbúðir af þessu tagi hefjist sem fyrst enda þörfin mikil. Að skýla sér bak við íbúðalánasjóð dugar skammt enda stóð ekki annað til en hönnun og undirbúningur framkvæmda við Austurkór yrði fjármagnaður af Kópavogsbæ. Guðríður Arnardóttir"Ómar Stefánsson, Ármann Kr. Ólafsson og Rannveig Ásgeirsdóttir lögðu fram eftirfarandi bókun:"Færsla á fjármunum til Dimmuhvarfs 2 er frá Austurkór 3b sem eru almennar leiguíbúðir fyrir fatlaða. Fjármögnun frá íbúðalánasjóði hefur ekki enn fengist þar sem reglugerð frá velferðarráðuneyti vegna félagslegra leiguíbúða hefur ekki litið dagsins ljós í eina átta mánuði. Ráðist verður í framkvæmdir þegar fjármögnun liggur fyrir. Fjármunir til sambýlis í Austurkór 3, sem eru sérhannaðar íbúðir fyrir fatlaða verða samkvæmt samþykktri fjárhagsáætlun Kópavogsbæjar 2013.Ómar Stefánsson, Ármann Kr. Ólafsson, Rannveig Ásgeirsdóttir"

Skoða fundargerð