Ákvörðun Viðurlaganefndar Kauphallar Íslands.

Málsnúmer: 1401801

Ferill máls

Bæjarráð - 2771. fundur

Frá Kauphöll Íslands, dags. 13. apríl, lögð fram ákvörðun Viðurlaganefndar Nasdaq Iceland út af máli sem hefur verið í vinnslu í tengslum við upplýsingagjöf Kópavogsbæjar.

Lagt fram.

Skoða fundargerð

Bæjarráð - 2755. fundur

Frá Nasdaq, dags. 8. desember, upplýsingar varðandi mál sem vísað hefur verið til viðurlaganefndar.

Vísað til bæjarlögmanns og fjármála- og hagsýslustjóra til afgreiðslu.

Skoða fundargerð

Bæjarráð - 2716. fundur

Frá Kauphöll Íslands, dags. 17. janúar, þar sem óskað er eftir skýringum vegna upplýsingagjafar Kópavogsbæjar.

Bæjarráð samþykkir að senda framlagt svar fjármálastjóra og bæjarlögmanns við erindinu með þremur atkvæðum og tveimur hjásetum.Ólafur Þór Gunnarsson bókar:Í bréfi Kauphallarinnar sem liggur fyrir fundinum er velt upp þeim möguleika að Kópavogsbær hafi brotið reglur með því að flagga ekki strax ákvörðun um að kaupa félagslegar íbúðir og stuðla að byggingu leiguíbúða. Bæjarstjórn Kópavogs er lýðræðislegur vettvangur opinna funda þ.s. almenningur á fullan rétt á að vita um hvað er rætt og hvernig ákvarðanir eru teknar. Sá réttur almennings er alveg jafn merkilegur og réttur Kauphallarinnar til að vita um ákvarðanir. Bæjarfulltrúar og bæjarstjórn geta ekki með nokkru móti haft stjórn á því hver setur eitthvað á netsíðu eða hver bloggar um tiltekið atriði. Ef það er skilyrði til þátttöku í Kauphöllinni að umræða verði ekki opinber eða fundir lokaðir þarf að endurskoða reglur Kauphallarinnar hvað varðar þátttöku opinberra aðila.<?xml:namespace prefix = o ns = "urn:schemas-microsoft-com:office:office" /><o:p></o:p><o:p></o:p>Hótanir Kauphallarinnar um sektir geta ekki orðið grundvöllur þess að bæjarstjórn eða bæjarfulltrúar hætti þátttöku í opinberri umræðu né til þess að bæjarfulltrúar hætti að fylgja sannfæringu sinni á fundum. Bæjarfulltrúar munu eftir sem áður áskilja sér allan rétt til að flytja tillögur og taka þátt í umræðum um þær og afgreiðslu þeirra.Guðríður Arnardóttir bókar:Undirrituð situr hjá við afgreiðslu á svari bæjarins til Kauphallarinnar enda ekki sammála innihaldinu.<o:p></o:p><o:p></o:p>Hlutverk bæjarstjóra er að framfylgja ákvörðunum bæjarstjórnar og hafi ákvörðun bæjarstjórnar verið tilkynningaskyld til Kauphallar bar bæjarstjóra að sjá um slíka tilkynningu um leið og ákvörðun bæjarstjórnar lá fyrir. Hér sést glöggt hversu vinnubrögð bæjarstjóra í málinu og ferlinu öllu hafa verið óábyrg og nú staðfest að útreikningar bæjarstjóra um þriggja milljarða útgjaldaauka og hækkun skuldbindinga um 7-9% hafi verið án aðkomu fjármálastjóra bæjarins enda úr lausu lofti gripnar. Eðlilegra hefði verið að bæjarstjóri hefði nálgast málið af yfirvegun og sparað stóru yfirlýsingarnar sem hafa unnið málinu ógagn.<o:p></o:p>Hjálmar Hjálmarsson bókar:Undirritaður tekur undir bókun Ólafs Þórs Gunnarssonar og bókanir Guðríðar Arnardóttur. Ármann Kr. Ólafsson bókar.Þetta hefði aldrei orðið neitt vandamál ef fulltrúi Samfylkingarinnar hefði ekki sent út fréttatilkynningu strax að loknum bæjarstjórnarfundi. Ég hef ekki staðfest það að fjármálastjóri hafi ekki komið að málum eins og Guðríður Arnardóttir fullyrðir og eru einungis getgátur af hennar hálfu.Fundarhlé kl. 9:43. Fundi fram haldið kl. 9:46.Guðríður Arnardóttir bókar:Bæjarstjórnarfundir eru sendir út í beinni útsendingu í útvarpi og á netinu. Hver sem er getur hlýtt á það sem þar fer fram, fjölmiðlar sem aðrir. Að loknum fundi var send út fréttatilkynning þar sem fram kom samþykkt bæjarstjórnar og ekkert umfram það. Ekki er hægt að ætlast til þess að einstaka bæjarfulltrúar hafi samband við Kauphöll enda hlutverk bæjarstjóra að sjá um slíkt.<o:p></o:p>

Skoða fundargerð