Kjóavellir. Breytt deiliskipulag.

Lagt fram bréf frá skipulagsstjóra Garðabæjar dags. 23.3.2015.

Lagt fram.

Lögð fram tillaga Umhverfissviðs dags. 16.2.2015 að breyttu deiliskipulagi hesthúsabyggðar við Kjóavelli. Breytingin felur í sér að aðkoma að verslunar og þjónustuhúsum á skipulagssvæðinu sem afmarkast af Markarvegi til norðurs og Hamraenda til austurs breytist og færist til norðurs. Breytingin felur einnig í sér breytingu á skipulagsskilmálum fyrir neðangreind verslunar og þjónustuhús.(A) að lóðin Hestheimar nr. 2 sem skilgreind er sem þjónustulóð V2 í gildandi skipulagsskilmálum stækkar úr um 3.200 m2 í 8.700 m2. Þar er gert ráð fyrir byggingarreit á tveimur hæðum og kjallara undir hluta húss fyrir þjónustuhús. Hámarks byggingarmagn er áætlað um 3000 m2. Hámarkshæð byggingarreitsins er 10 metrar frá aðkomu kóta og hámarks vegghæð 10 metrar. Þakform er frjálst. (B) Lóðin Hestheimar nr. 4 sem er versl/ þjónustulóð V1 minnkar og verður um 1.450 m2 í stað 1.524 m2 og færist til austurs. Hæð og nýtingarhlutfall er óbreytt. 32 bílastæði eru innan lóðar. (C) Lóðin Hestheimar nr. 6 sem er versl. / þjónustulóð V1 minnkar og verðurum 1.330 m2 í stað 1.530 m2. Hæð byggingarreitar og nýtingarhlutfall á lóð er óbreytt. 23 bílastæði eru innan lóðar. (D) Lóðin að Hestheimum nr. 8 er versl. /þjónustulóð V3 stækkar og verður 3.600 m2 í stað 1.621 m2. Hámarksbyggingarmagn verður um 2.100 m2. 52 bílastæði verða innan lóðar.(E) Lóðin að Hestheimum nr. 10 sem er versl. /þjónustulóð V3 verðu nú Hestheimar nr. 10-12, stækkar og verður 4.100 m2 í stað 2.440 m2. Hámarksbyggingarmagn verður um 2.100 m2. 62 bílastæði verða innan lóðar. (F) Lóðin að Hestheimum nr. 12 og byggingarreitur er feldur út. Fyrirkomulag bílastæða breytist. Bílastæði flytjast frá svæðum vestan Hestheima að svæði vestan hesthúsa við Hamraenda. Heildarfjöldi bílastæða á skipulagssvæðinu verður óbreyttur og verða öll bílastæði samnýtanleg. Gögn eru byggð á samþykktu deiliskipulagi í Kjóavöllum og samningi milli Garðabæjar og Kópavogs um breytt sveitarfélagsmörk.

Lagt fram og kynnt. Skipulagsnefnd óskaði eftir því að tillagan verði kynnt bæjaryfirvöldum Garðabæjar.