Ögurhvarf 4, Hótel Heiðmörk ehf. Umsókn um nýtt rekstrarleyfi. Beiðni um umsögn.

Frá lögfræðideild, dags. 11. maí, lagt fram bréf Sýslumannsins á höfuðborgarsvæðinu, dags. 8. maí, þar sem óskað er umsagnar um umsókn Hótel Heiðmörk ehf., kt. 520264-0199, um nýtt rekstrarleyfi fyrir hótel í flokki V að Ögurhvarfi 4, 203 Kópavogi, skv. 10. gr. laga nr. 85/2007 um veitingastaði, gististaði og skemmtanahald og 23. gr. rgl. nr. 585/2007. Samkvæmt 1. tl. 4. mgr. 10. gr. laga nr. 85/2007 staðfestir sveitarstjórn sem umsagnaraðili að afgreiðslutími og staðsetning staðar sem umsókn lýtur að sé innan þeirra marka sem reglur og skipulag sveitarfélagsins segja til um.

Bæjarráð samþykkir umsóknina fyrir sitt leyti með fimm atkvæðum og staðfestir að staðsetning er í samræmi við gildandi skipulag skv. 1. mgr. 25. gr. reglugerðar nr. 1127/2007 um lögreglusamþykktir. Afgreiðslutími áfengisveitinga er umfram það sem fram kemur í ákvæði 2. mgr. 25. gr. reglugerðar nr. 1127/2007 um lögreglusamþykktir en leyfisbeiðandi óskar þess að opnunartími áfengisveitinga hótelsins verði til 01:00 virka daga. Sveitarstjórn hefur heimild skv. 2. mgr. 25. gr. reglugerðar nr. 1127/2007 um lögreglusamþykktir til þess að samþykkja þessa beiðni.