Vatnsvernd og vatnsnýting, samráðshópur.

Frá svæðisskipulagsstjóra SSH f.h. samráðshóps um vatnsvernd og vatnsnýtingu, dags. 21. desember, lögð fram ályktun um Heiðmerkurveg ásamt minnisblaði þar sem því er beint til Kópavogsbæjar að samþykkja fyrir sitt leyti að sett verði upp hið fyrsta hlið og varúðarmerkingar við innkomuleiðir að Heiðmörk þannig að hægt sé að stýra almennri umferð ökutækja inn á vatnsverndarsvæðið frá öllum innkomuleiðum. Þá er Kópavogsbær einnig hvattur til að skoða hjá sér hönnun bílastæða/safnstaða við innkomuleiðir í Heiðmörk og vinna samræmt skipulag Heiðmerkur í samvinnu við Reykjavíkurborg og Garðabæ, þar sem brýnt sé að hið fyrsta verði skorið úr um veghald í Heiðmörk.

Bæjarráð vísar málinu til sviðsstjóra umhverfissviðs til afgreiðslu.