Kópavogsskóli-óskar eftir heimild til að stofna deild f.5 ára.

Eftirfarandi var bókað í skólanefnd þann 19.október 2015: "Skólanefnd óskar eftir að Menntasvið setji fram tillögu um áframhaldandi vinnu í tengslum við sveigjanleg skil skólastiga." Tillaga menntasviðs lögð fram.

Skólanefnd getur ekki samþykkt erindi Kópavogsskóla varðandi stofnun fimm ára bekkjar. Erindi Kópavogsskóla varðar samfellu milli skólastiga og menntasvið leggur til að stofnaður verði vinnuhópur sem leita mun leiða til að skapa samfellu í lífi og námi barna, koma til móts við þarfir þeirra og stuðla að markvissri uppbyggingu náms milli skólastiga.

Sérfræðingur kemur í heimsókn að beiðni skólanefndar.

Þórunn Jónasdóttir, sérfræðingur í skilum skólastiga svaraði fyrirspurnum nefndarmanna og þakka þeir fyrir. Skólanefnd óskar eftir að Menntasvið setji fram tillögu um áframhaldandi vinnu í tengslum við sveiganleg skil skólastiga.

Skólastjóri Kópavogsskóla kemur á fund nefndar samkvæmt ósk hennar frá því í vor.

Guðmundur Ásmundsson, skólastjóri Kópavogsskóla kynnti hugmyndir skólans um stofnun 5 ára bekkjardeilda við skólann. Skólanefnd óskar eftir að fá sérfræðinga á þessu sviði á fund nefndarinnar.

Erindi frá Kópavogsskóla lagt fram til umræðu.

Málið rætt og samþykkt að fá Guðmund Ásmundsson skólastjóra á fund nefndarinnar til nánari kynningar í haust.