Bæjarlind 6, SPOT. Umsókn um tímabundið áfengisleyfi. Beiðni um umsögn.

Frá lögfræðideild, dags. 7. júlí, lagt fram bréf Sýslumannsins á höfuðborgarsvæðinu þar sem óskað er umsagnar um umsókn SPOT, kt. 631008-0110, um tímabundið áfengisleyfi vegna beinnar útsendingar á NF bardagaleiknum, aðfararnótt sunnudagsins 12. júlí 2015, til kl. 05:00, á SPOT, að Bæjarlind 6, Kópavogi, skv. 17. gr. laga nr. 85/2007 um veitingastaði, gististaði og skemmtanahald og 27. gr. rgl. nr. 585/2007. Samkvæmt 1. tl. 4. mgr. 10. gr. laga nr. 85/2007 staðfestir sveitarstjórn sem umsagnaraðili að afgreiðslutími og staðsetning staðar sem umsókn lýtur að sé innan þeirra marka sem reglur og skipulag sveitarfélagsins segja til um.

Bæjarráð samþykkir umsóknina fyrir sitt leyti með fimm atkvæðum og staðfestir að staðsetning er í samræmi við gildandi skipulag. Afgreiðslutími sem óskað er eftir er umfram það sem kemur fram í 2. mgr. 25. gr. reglugerðar nr. 1127/2007 um lögreglusamþykktir, en þar er gert ráð fyrir opnunartíma til kl. 03.00 umræddan dag.