Hófgerði 10, Sigurkarl Magnússon. Beiðni um umsögn vegna umsóknar um nýtt rekstrarleyfi (heimagisting).

Frá lögfræðideild, dags. 5. nóvember, lagt fram bréf Sýslumannsins á höfuðborgarsvæðinu þar sem óskað er umsagnar um umsókn Sigurkarls Magnússonar, kt. 190257-3399, um nýtt rekstrarleyfi fyrir heimagistingu í flokki I, á staðnum Gesthouse Gríma, að Hófgerði 10, 200 Kópavogi, skv. 10. gr. laga nr. 85/2007 um veitingastaði, gististaði og skemmtanahald og 23. gr. rgl. nr. 585/2007. Samkvæmt 1. tl. 4. mgr. 10. gr. laga nr. 85/2007 staðfestir sveitarstjórn sem umsagnaraðili að afgreiðslutími og staðsetning staðar sem umsókn lýtur að sé innan þeirra marka sem reglur og skipulags sveitarfélagsins segja til um.

Hvað staðsetningu varðar er ekki gert ráð fyrir atvinnustarfsemi skv. gildandi skipulagi, en í 6.2 gr. reglugerð 90/2013 kemur þó fram að minniháttar atvinnustarfsemi sem samrýmist búsetu eftir því sem nánar er kveðið á um í stefnu skipulagsins sé heimil. Bæjarráð samþykkir umsóknina fyrir sitt leyti með fimm atkvæðum og staðfestir að afgreiðslutími er í samræmi við ákvæði 4. mgr. 25. gr. lögreglusamþykktar fyrir Kópavogsbæ nr. 675/2015 og umfang heimagistingarinnar samrýmist stefnu skipulags.