Tillaga um að birta fylgiskjöl m.fundargerðum fastanefnda.

Tillaga frá Gísla Baldvinssyni, um að birta fylgiskjöl með fundargerðum fastanefnda sem tekin var fyrir í skólanefnd og vísað til bæjarstjórnar og stjórnsýslu tekin fyrir.

Margrét Friðriksdóttir, formaður menntaráðs gerði grein fyrir ferli máls innan stjórnsýslu.

Lögð fram umsögn frá bæjarritara dags. 7. júní.

Lagt fram.

Forsætisnefnd samþykkir með þremur atkvæðum að fela bæjarritara að hefja undirbúning að ákvörðun um birtingu gagna með fundargerðum. Ennfremur að gerð verði drög að reglum um birtingu gagna með fundargerðum.

Forsætisnefnd samþykkir að fela bæjarritara að undirbúa tillögu í málinu fyrir næsta fund forsætisnefndar.

Til umfjöllunar

Frá bæjarritara, dags. 17. maí, lögð fram umsögn um tillögu skólanefndar um að birta fylgiskjöl með fundargerðum fastanefnda, nema um trúnaðarmál sé að ræða. Lagt er til að bæjarráð hafni framlagðri tillögu á grundvelli þess rökstuðnings sem kemur fram í umsögninni.

Bæjarráð vísar málinu til úrvinnslu forsætisnefndar ásamt tillögu skipulagsnefndar um sama efni.

Frá deildarstjóra grunnskóladeildar, dags. 1. desember, lögð fram tillaga sem samþykkt var í skólanefnd 16.11.2015 um að birta fylgiskjöl með fundargerðum fastanefnda, nema um trúnaðarmál sé að ræða. Bæjarráð frestaði afgreiðslu málsins á fundi sínum þann 03.12.2015.

Bæjarráð vísar erindinu til bæjarritara til umsagnar.

Frá deildarstjóra grunnskóladeildar, dags. 1. desember, lögð fram tillaga sem samþykkt var í skólanefnd 16.11.2015 um að birta fylgiskjöl með fundargerðum fastanefnda, nema um trúnaðarmál sé að ræða.

Frestað.

Bæjarritari kemur og svarar erindi.

Páll Magnússon bæjarritari svaraði erindi Gísla Baldvinssonar um að skólanefnd beindi því til bæjarstjórnar og stjórnsýslu að birt verði öll fylgiskjöl með fundargerðum fastanefnda, nema um trúnaðarmál sé að ræða. Tillagan var borin upp og greiddi Gísli Baldvinsson atkvæði með henni en Margrét Friðriksdóttir, Helgi Magnússon, Ólafur Örn Karlsson Ragnhildur Reynisdóttir og Bergljót Kristinsdóttir sátu hjá.

Skólanefnd óskar eftir að Páll Magnússon, bæjarritari komi á næsta fund nefndarinnar 16. nóvember 2015 og geri grein fyrir málinu.