Engihjalli 8, Viking Kebab. Gott Heitt Hratt ehf. Beiðni um umsögn vegna umsóknar um rekstrarleyfi. Umsögn lögfræðideildar.

Frá lögfræðideild, dags. 16. nóvember, lagt fram bréf Sýslumannsins á höfuðborgarsvæðinu, dags. 12. nóvember, þar sem óskað er umsagnar um umsókn Gott Heitt Hratt ehf., kt. 521011-1810, um endurnýjun rekstrarleyfis fyrir veitingahús í flokki I, á staðnum Viking Kebab, að Engihjalla 8, 200 Kópavogi, skv. 10. gr. laga nr. 85/2007 um veitingastaði, gististaði og skemmtanahald og 23. gr. rgl. nr. 585/2007. Samkvæmt 1. tl. 4. mgr. 10. gr. laga nr. 85/2007 staðfestir sveitarstjórn sem umsagnaraðili að afgreiðslutími og staðsetning staðar sem umsókn lýtur að sé innan þeirra marka sem reglur og skipulag sveitarfélagsins segja til um.

Bæjarráð samþykkir umsóknina fyrir sitt leyti með fimm atkvæðum og staðfestir að staðsetning er í samræmi við gildandi skipulag og afgreiðslutími er í samræmi við ákvæði 4. mgr. 25. gr. lögreglusamþykktar fyrir Kópavogsbæ nr. 675/2015.