Foreldraráð Kársnesskóla-erindi v. innleiðingar spjaldtalva.

Lagt fram erindi frá f.h. Stjórn Foreldrafélags Kársnesskóla, dags. 28. okt. sl., til Menntasviðs Kópavogs, þar sem stjórnin óskar eftir sérstakri umsögn frá Íþróttaráði Kópavogs varðandi innleiðingu á spjaldtölvum með tilliti til áhrifa af aukinni notkun tölva á hreyfingu og útiveru nemenda.

Innleiðingar spjaldtölva í grunnskólunum snertir framkvæmd kennslu í bóklegum tímum í grunnskólum á vegum Kópavogsbæjar. Um langt skeið hefur blómlegt íþróttastarf farið fram innan raða íþróttafélaganna í Kópavogi. Þá er aðstaða til íþróttaiðkunnar í skólaleikfimi til fyrirmyndar en kennsla í skólaleikfimi er að sjálfssögðu fastur liður í starfi grunnskólanna. Þátttaka barna og unglinga í íþróttastarfi hefur reyndar verið með því mesta sem þekkist hérlendis. Reyndar svo mikil að íþróttafélögin í bænum anna vart þeirri eftirspurn sem er til staðar eftir þeirra þjónustu. Heilt yfir hefur íþróttaráð því ekki áhyggjur af því að notkun á spjaldtölvum í bóklegri kennslu í afmörkuðum þætti í starfi grunnskóla í Kópavogi muni hafa áhrif á hreyfingu og útiveru nemenda í grunnskólum Kópavogs. Íþróttaráð mun hins vegar að sjálfssögðu fylgjast með þróun þessara mála hér eftir sem hingað til. Íþróttaráð telur mikilvægt að til séu verkferlar um notkun tækjanna.