Bæjarstjórn - 1130. Fundur haldinn 26. janúar 2016.

1601014F - Bæjarráð, dags. 21. janúar 2016. $line$2805. fundur bæjarráðs í 33. liðum. $line$Lagt fram. $line$ $line$1411143 - Auðbrekka þróunarsvæði. Deiliskipulag. $line$Frá skipulagsstjóra, dags. 19. janúar, lögð fram að nýju að lokinni kynningu tillaga skipulags- og byggingardeildar Kópavogs að deiliskipulagi fyrir hluta þróunarsvæðis Auðbrekku, svæði 1, 2 og 3. Tillaga er sett fram í skipulagsskilmálum og á deiliskipulagsuppdrætti ásamt greinargerð dags. 10. ágúst 2015 í mkv. 1:1000. Á fundi skipulagsnefndar 5.10.2015 var samþykkt með tilvísan til 1. mgr. 43. gr. skipulagslaga nr. 123/2010 að auglýsa framlagða tillögu og málinu vísað til bæjarráðs og bæjarstjórnar. Tillagan var auglýst í Fréttablaðinu 22.10.2015 og í Lögbirtingarblaðinu 23.10.2015. Tillagan var send Vegagerðinni, Heilbrigðiseftirlti Hafnarfjarðar og Kópavogssvæðis, Umhverffisstofnun, Isavia ohf. og Orkuveitu Reykjavíkur til umsagnar. Kynningu lauk 7.12.2015. Athugasemd barst frá Vegagerðinni, dags. 13.11.2015; frá félagasamtökum Sukyo Mahikari, Nýbýlavegi 6, dags. 7.12.2015; frá Teiti Má Sveinssyni, hdl., f.h. lóðarhafa Auðbrekku 7, dags. 7.12.2015. Ennfremur lögð fram umsögn Isavia, dags. 9.12.2015. Lögð fram umsögn skipulags- og byggingardeildar um framkomnar athugasemdir og ábendingar. Er umsögnin dags. 18. janúar 2016. Eftir að athugasemdafresti lauk bárust athugasemdir og ábendingar frá íbúum við Löngubrekku 41, 43, 45, og 47, dags. 17.1.2016; frá Árna Davíðssyni, dags. 15.1.2016. Skipulagsnefnd samþykkti með tilvísan til 1. mgr. 43. gr. skipulagslaga nr. 123/2010 framlagða tillögu með áorðnum breytingum ásamt umsögn um athugasemdir og ábendingar er bárust á kynningartíma og vísaði málinu til bæjarráðs og bæjarstjórnar. Með tilvísan í lið 2.4 í skipulagsskilmálum svæðisins samþykkti skipulagsnefnd jafnframt að unnin yrði nánari útfærsla á hönnun bæjarlandsins á deiliskipulagssvæðinu. Lögð verði áhersla á vandaða hönnun og efnisval m.a hvað varðar torg, opin svæði, gróður, lýsingu, göngu- og hjólaleiðir svo og yfirborð gatna. Bæjarráð vísaði málinu til bæjarstjórnar til afgreiðslu. Bæjarstjórn staðfestir afgreiðslu skipulagsnefndar með 11 atkvæðum. $line$ $line$1509910 - Brekkuhvarf 20. Breytt deiliskipulag. $line$Frá skipulagsstjóra, dags. 19. janúar, lögð fram að nýju tillaga ES Teiknistofu f.h. lóðarhafa dags. 28.9.2015 þar sem óskað er eftir breyttu deiliskipulagi Brekkuhvarfs 20. Á fundi skipulagsnefndar 14.12.2015 var málinu frestað og vísað til úrvinnslu skipulags- og byggingardeildar. $line$Lögð fram umsögn skipulags- og byggingardeildar dags. 18.1.2016 ásamt breyttri tillögu dags. 18.1.2016 þar sem komið er til móts við innsendar athugasemdir. Þá greint frá samráðsfundi með aðilum máls sem haldinn var 14.1.2016. Skipulagsnefnd samþykkti breytta tillögu dags. 18.1.2016 með tilvísan til 43. gr. skipulagslaga nr. 123/2010 ásamt umsögn dags. 18.1.2016 og vísaði málinu til bæjarráðs og bæjarstjórnar. Bæjarráð vísaði málinu til bæjarstjórnar til afgreiðslu. $line$Sverrir Óskarsson lagði til að málinu verði vísað til skipulagsnefndar að nýju.$line$Bæjarstjórn samþykkir tillögu Sverris Óskarssonar með 11 atkvæðum. $line$ $line$1601579 - Ennishvarf 12. Breytt deiliskipulag. $line$Frá skipulagsstjóra, dags. 19. janúar, lögð fram tillaga KRark, dags. 15.3.2015, f.h. lóðarhafa að breyttu deiliskipulagi Einnishvarfs 12. Á lóðinni í dag stendur tæplega 300 m2 einbýlishús. Í breytingunni felst að byggð verður u.þ.b. 150 m2 aukahæð með sér íbúð ofan á suður helming hússins. Á vesturhlið hússins kemur stigahús á tveimur hæðum sem nær 2,5 metra út fyrir núverandi húshlið. Aukning á byggingarmagni umfram leyfilegt byggingarmagn skv. gildandi deiliskipulagi eru 110 m2. Stækkun rúmast að öllu leyti innan núverandi byggingarreits sbr. uppdráttum dags. 15.3.2015. Skipulagsnefndar hafnaði erindinu og vísaði málinu til bæjarráðs og bæjarstjórnar, þar sem það væri ekki í samræmi við gildandi deiliskipulagsskilmála frá 29. júlí 2002 hvað varðar fjölda íbúða. Í skipulagsskilmálunum kemur m.a. fram að: "...hámarki er gert ráð fyrir einni íbúð á hverri lóð." Bæjarráð vísaði málinu til bæjarstjórnar til afgreiðslu. $line$Bæjarstjórn staðfestir afgreiðslu skipulagsnefndar með 11 atkvæðum og hafnar erindinu. $line$ $line$1510808 - Faldarhvarf 8, 10 og 12. Breytt deiliskipulag. $line$Frá skipulagsstjóra, dags. 19. janúar, lagt fram að nýju erindi A2 arkitekta f.h. lóðarhafa Faldarhvarfs 8, 10 og 12 þar sem óskað er eftir að breyttu deiliskipulagi lóðanna. Í breytingunni felst að bílskúr húss nr. 8 er færður af norðvesturhorni yfir á norðausturhorn þess. Einnig er óskað eftir að hækka hús nr. 12 um 80 cm og lækka hús nr. 10 um 20 cm sbr. uppdrætti dags. 14.10.2015. Fyrir liggur samþykki lóðarhafa Faldarhvarfs 8, 10 og 12. Á fundi skipulagsnefndar 9.11.2015 var samþykkt með tilvísun til 43. gr. skipulagslaga nr. 123/2010 að grenndarkynna framlagða breytingu fyrir lóðarhöfum Faxahvarfs 1; Faldarhvarfs 9, 11, 13, 15 og 17. Lagt fram skriflegt samþykki fyrrnefndra lóðarhafa mótt. 14.12.2015. Skipulagsnefnd samþykkti með tilvísan til. 3. mgr. 44. gr. skipulagslaga nr. 123/2010 tillögu að breyttu deiliskipulagi Faldarhvarf 8, 10 og 12 og vísaði málinu til bæjarráðs og bæjarstjórnar. Bæjarráð vísaði málinu til bæjarstjórnar til afgreiðslu. $line$Bæjarstjórn staðfestir afgreiðslu skipulagsnefndar með 11 atkvæðum. $line$ $line$1002115 - Fífuhvammsland vesturhluti. Lindarvegur frá Bæjarlind að Fífuhvammsvegi. Breytt deiliskipulag. $line$Frá skipulagsstjóra, dags. 19. janúar, lögð fram tillaga umhverfissviðs að breyttu deiliskipulagi Fífuhvammslands vesturhluta. Í breytingunni felst breikkun Lindarvegur um eina akrein frá Bæjarlind að Fífuhvammsveg. Lega göngustíga og hljóðmana/hljóðveggja breytist. Uppdrættir í mkv. 1:1000 ásamt greinargerð og skýringaryppdráttum og umhverfisskýrslu og matslýsingu dags. 18.1.2016. Skipulagsnefnd samþykkti með tilvísan til 43. gr. skipulagslaga nr. 123/2010 að auglýsa framlagða tillögu og vísaði málinu til bæjarráðs og bæjarstjórnar. Bæjarráð vísaði málinu til bæjarstjórnar til afgreiðslu. $line$Bæjarstjórn staðfestir afgreiðslu skipulagsnefndar með 11 atkvæðum. $line$ $line$1510036 - Lyngbrekka 18. Grenndarkynning. $line$Frá skipulagsstjóra, dags. 19. janúar, lagt fram að nýju frá byggingarfulltrúa erindi Ártúns ehf, f.h. lóðarhafa dags. 28.9.2015. Í erindi er óskað eftir að setja handrið úr gleri ofan á bílskúrsþak og timburpall ásamt tröppum sunnan- og vestanmegin við bílskúrinn sbr. uppdráttum dags. 28.9.2015. Á fundi skipulagsnefndar var málinu frestað og vísað til úrvinnslu skipulag- og byggingardeildar. Lagt fram ásamt umsögn skipulags- og byggingardeildar dags. 18.1.2016. Skipulagsnefnd samþykkti framlagða tillögu með tilvísan til 44. gr. skipulagslaga nr. 123/2010 og vísaði málinu til bæjarráðs og bæjarstjórnar. Bæjarráð vísaði málinu til bæjarstjórnar til afgreiðslu. $line$Bæjarstjórn staðfestir afgreiðslu skipulagsnefndar með 11 atkvæðum. $line$$line$1304237 - Smárinn. Endurskoðun deiliskipulags. $line$Frá skipulagsstjóra, dags. 19. janúar, lagt fram erindi Skipulagsstofnunar dags. 5.1.2016 þar sem fram kemur það mat stofnunarinnar að í umsögn Kópavogsbæjar um framkomnar athugasemdir við endurkoðun deiliskipulags Smárans sé ekki nægjanlega skýr rökstuðningur er varðar bílastæðamál Hagasmára 1 og 3. Lagt fram erindi skipulagsstjóra dags. 15.1. 2016 þar sem fram kemur frekari rökstuðningur við afgreiðslu athugasemda hvað varðar kvöð um samnýtingu bílastæða Hagasmára 1 og 3 og áhrif deiliskipulagsbreytingarinnar á aðgengi lóðarhafa Hagasmára 3 að bílastæðum á deiliskipulagssvæðinu. Skipulagsnefnd samþykkti erindið og vísaði málinu til afgreiðslu bæjarráðs og bæjarstjórnar. Bæjarráð vísaði málinu til bæjarstjórnar til afgreiðslu. $line$Bæjarstjórn staðfestir afgreiðslu skipulagsnefndar með 11 atkvæðum.