Hlíðarsmári 13, Hótel Smári. Hótel Kaldbakur ehf. Umsagnarbeiðni vegna rekstarleyfis.

Frá lögfræðideild, dags. 18. janúar, lagt fram bréf Sýslumannsins á höfuðborgarsvæðinu, dags. 12. janúar, þar sem óskað er umsagnar um umsókn Hótel Kaldbaks ehf., kt. 631215-0680, um nýtt rekstrarleyfi fyrir hótel í flokki V, að Hlíðasmára 13, 201 Kópavogi, skv. 10. gr. laga nr. 85/2007 um veitingastaði, gististaði og skemmtanahald og 23. gr. rgl. nr. 585/2007. Samkvæmt 1. tl. 4. mgr. 10. gr. laga nr. 85/2007 staðfestir sveitarstjórn sem umsagnaraðili, að afgreiðslutími og staðsetning staðar sem umsókn lýtur að sé innan þeirra marka sem reglur og skipulag sveitarfélagsins segja til um.

Bæjarráð samþykkir umsóknina fyrir sitt leyti og staðfestir að staðsetning er í samræmi við gildandi skipulag. Afgreiðslutími er umfram það sem kemur fram í ákvæði 2. mgr. 25. gr. lögreglusamþykktar fyrir Kópavogsbæ nr. 675/2015 en leyfisbeiðandi óskar þess að opnunartími áfengisveitinga hótelsins verði til 01:00 virka daga. Sveitarstjórn hefur heimild til að samþykkja umbeðin opnunartíma.