Forsetakosningar 2016 - utankjörfundaratkvæðagreiðsla

Frá innanríkisráðuneyti, dags. 29. ágúst, lagt fram erindi um áframhaldandi tilraunverkefni um utankjörfundaratkvæðagreiðslu vegna komandi alþingiskosninga. Einnig lagt fram minnisblað Sambands íslenskra sveitarfélaga um utankjörfundaratkvæðagreiðslu hjá sveitarfélögum vegna forsetakosninga 2016, ásamt greinargerðum sveitarfélaga og byggðasamlaga sem tóku þátt í tilraunverkefninu.

Lagt fram.

Lagt fram erindi frá Þjóðskrá Íslands, dags. 25. júní, þar sem fram kemur að skráning á kjörskrárstofni hafi verið röng en nú verið leiðrétt af hálfu Þjóðskrár. Athygli Kópavogsbæjar er vakin á þessu svo leiðrétta megi kjörskrá sveitarfélagsins skv. 1. mgr. 27. gr. laga nr. 24/2000.

Bæjarráð samþykkir með fimm atkvæðum að leiðrétta kjörskrá í Kópavogi sbr. framlagt erindi frá Þjóðskrá Íslands.

Lagt fram erindi um breytingar á kjörskrá í samræmi við erindi frá Þjóðskrá Íslands þar um. Einnig lögð fram tillaga um breytingu á skipan í undirkjörstjórnir vegna forsetakosninga 25. júní 2016.

Bæjarráð samþykkir með fimm atkvæðum breytingar á kjörskrá í Kópavogi og breytingar á skipan í undirkjörstjórnir vegna forsetakosninga 25. júní 2016.

Lagður fram listi yfir tilnefningar í undirkjörstjórnir vegna forsetakosninga 25. júní 2016.

Bæjarráð samþykkir með fimm atkvæðum framlagðan lista yfir tilnefnda starfsmenn í undirkjörstjórnir vegna forsetakosninga 25. júní 2016.

Lagður fram listi yfir undirkjörstjórnir vegna forsetakosninga 25. júní 2016.

Bæjarstjórn samþykkir einróma að fela bæjarráði að kjósa í undirkjörstjórnir vegna forsetakosninga 25. júní 2016. Jafnframt samþykkir bæjarstjórn einróma að fela bæjarstjóra að ganga frá og undirrita kjörskrá í samræmi við lög og reglur þar um. Þá samþykkir bæjarstjórn einróma tillögu kjörstjórnar frá 18. maí sl. og felur bæjarráði umboð til að úrskurða um vafaatriði er varða kjörskrá í Kópavogi eða önnur atriði er upp kunna að koma vegna forsetakosninganna.

Frá formanni kjörstjórnar, dags. 18. maí, lagðar fram tillögur vegna forsetakosninga 25. júní nk. Lagt er til að kjörstaðir verði tveir í Kópavogi, annars vegar í íþróttahúsinu Smáranum og hins vegar Hörðuvallaskóla í Kórnum, aðsetur kjörstjórnar verði í Smáranum og lagður verði fram listi yfir starfsmenn síðar. Einnig er lagt til að hægt verði að ná bæjarráði saman á kjördag ef úrskurða þarf um vafaatriði er varða kjörskrá í Kópavogi eða önnur atriði.

Bæjarráð samþykkir með fimm atkvæðum framlagðar tillögur vegna forsetakosninga 25. júní 2016.