Jöklalind 5, Hagagil ehf. Umsagnarbeiðni vegna nýs rekstrarleyfis fyrir gististað.

Frá lögfræðideild, dags. 1. júní, lagt fram bréf Sýslumannsins á höfuðborgarsvæðinu, dags. 31. maí, þar sem óskað er umsagnar um umsókn Hagagils ehf., kt. 550316-0480, um nýtt rekstrarleyfi fyrir gististað í flokki I, að Jöklalind 5, 201 Kópavogi, skv. 10. gr. laga nr. 85/2007 um veitingastaði, gististaði og skemmtanahald og 23. gr. rgl. nr. 585/2007. Samkvæmt 1. tl. 4. mgr. 10. gr. laga nr. 85/2007 staðfestir sveitarstjórn sem umsagnaraðili að afgreiðslutími og staðsetning staðar sem umsókn lýtur að sé innan þeirra marka sem reglur og skipulag sveitarfélagsins segja til um.

Hvað staðsetningu varðar er ekki gert ráð fyrir atvinnustarfsemi skv. gildandi skipulagi, en í 6.2. gr. skipulagsreglugerðar nr. 90/2013 kemur þó fram að minniháttar atvinnustarfsemi sem samrýmist búsetu eftir því sem nánar er kveðið á um í stefnu skipulagsins sé heimil. Bæjarráð samþykkir umsóknina fyrir sitt leyti með fimm atkvæðum og staðfestir að umfang heimagistingarinnar samrýmist stefnu skipulags.