Framkvæmd nýrra laga um almennar íbúðir

Frá Íbúðalánasjóði, dags. 5. apríl, lögð fram niðurstaða úthlutunarnefndar vegna síðari úthlutunar stofnframlaga 2016 þar sem umsókn Kópavogsbæjar er samþykkt að teknu tilliti til þeirra breytinga sem greinir í eftirfarandi áliti nefndarinnar.

Lagt fram.

Bókun bæjarráðs:

"Bæjarráð fagnar niðurstöðu úthlutunarnefndar stofnframlaga sem er í samræmi við umsókn bæjarins til sjóðasins."

Frá Íbúðalánasjóði, dags. 30. desember, lögð fram afgreiðsla á umsókn Kópavogsbæjar um stofnframlag á grundvelli laga um almennar íbúðir nr. 52/2016 til kaupa á 37 íbúðum í Kópavogi fyrir fatlaða og skjólstæðinga félagsþjónustu. Ekki var unnt að samþykkja umsóknina að svo stöddu þar sem frekari gagna er þörf og gefst Kópavogsbæ kostur á að breyta umsókninni til samræmis við athugasemdir úthlutunarnefndar Íbúðalánasjóðs.

Bæjarráð vísar málinu til úrvinnslu fjármálastjóra og bæjarlögmanns.

Frá Íbúðalánasjóði, dags. 13. október, lagt fram erindi út af framkvæmd laga nr. 52/2016 um stofnstyrki til almennra íbúða, þar sem óskað er eftir upplýsingum frá sveitarfélaginu um fjölda úthlutaðra lóða til byggingar íbúðahúsnæðis frá árinu 2013, fjölda íbúða sem byggðar voru á lóðunum, lóðarverð og gatnagerðargjöld þeirra lóða sem úthlutað var á tímabilinu.

Bæjarráð vísar málinu til bæjarstjóra til afgreiðslu.

Frá Íbúðalánasjóði, dags. 12. september, lagt fram erindi vegna opnun umsókna um stofnframlög til byggingar eða kaupa á íbúðarhúsnæði skv. lögum um almennar íbúðir nr. 52/2016.

Bæjarráð vísar málinu til bæjarstjóra til afgreiðslu.

Frá bæjarstjóra, kynning frá Íbúðalánasjóði og Sambandi íslenskra sveitarfélaga varðandi framkvæmd nýrra laga um almennar íbúðir nr. 52/2016.

Lagt fram.

Frá Íbúðalánasjóði, dags. 13. júlí, lagt fram erindi varðandi framkvæmd nýrra laga um almennar íbúðir nr. 52/2016.

Lagt fram. Bæjarstjóra falið að óska eftir kynningu frá Íbúðalánasjóði og Sambandi íslenskra sveitarfélaga á næsta fund bæjarráðs.

Bókun:

"Ég fagna þessum aðgerðum stjórnvalda í húsnæðismálum. Það er brýnt að Kópavogur sýni metnað í því að stuðla að fjölgun á ódýrum og hagkvæmum leiguíbúðum. Rétt er að halda til haga skýrslu um húsnæðismál sem unnin var þverpólitískt með aðkomu allra flokka í Kópavogi - þar voru m.a. lagðar til aðgerðir sem samræmast þessum áherslum stjórnvalda. Þessar aðgerðir munu bæta stöðu margra fjölskyldna í húsnæðismálum enda um gríðarlega aðkallandi verkefni að ræða.

Birkir Jón Jónsson"