Bæjarráð - 2834

1608002F - Skipulagsnefnd, dags. 15. ágúst 2016.

1280. fundur skipulagsnefndar í 16. liðum.

Lagt fram.



1607342 - Boðaþing 14-16 og 18-20.

Frá skipulagsstjóra, dags. 16. ágúst, lögð fram tillaga THG arkitekta dags. 2. ágúst 2016 þar sem óskað er heimildar til að fjölga íbúðum á þakhæðum Boðaþings 14-16 og 18-20 þannig að í stað tveggja íbúða í hvorum stigagangi verði íbúðirnar þrjár. Eftir breytinguna yrðu því 36 íbúðir í stað 34 eins og gildandi deiliskipulag gerir ráð fyrir í hvoru húsi fyrir sig. Heildarumfang og stærð húsanna breytist ekki. Uppdráttur í mkv. 1:100 og 1:500 dags. 27. júlí 2016. Skipulagsnefnd samþykkiti með tilvísan í 3. mgr. 43. gr. skipulagslaga nr. 123/2010 framlagða tillögu og vísaði erindinu til bæjarráðs og bæjarstjórnar.

Bæjarráð staðfestir afgreiðslu skipulagsnefndar með fimm atkvæðum.



16041208 - Eskihvammur 2. Grenndarkynning.

Frá skipulagsstjóra, dags. 16. ágúst, lagt fram að nýju frá byggingarfulltrúa erindi erindi Benjamíns Magnússonar, dags. 31.3.2016, f.h. lóðarhafa þar sem óskað er heimildar til að breyta einbýlishúsi í tvíbýli. Ein íbúð verður á hvorri hæð, bílskúr verður hluti af íbúð á neðri hæð. Á lóð verða fjögur bílastæði sbr. uppdráttum dags. 31.3.2016. Skipulagsnefnd samþykkti 2. maí 2016 með tilvísan til 44. gr. skipulagslaga nr. 123/2010 að grenndarkynna framlagða tillögu fyrir lóðarhöfum Eskihvamms 4; Víðihvamms 21, 23 og 25; Birkihvamms 21, 22; Reynihvamms 24 ásamt Orkuveitu Reykjavíkur. Kynningunni lauk 27. júní 2016. Athugasemdir bárust frá eigendum í Eskihvammi 4, dags. 23.06.2016 og Víðihvammi 23, dags. 27.06.2016. Ennfremur lögð fram umsögn skipulags- og byggingardeildar um athugasemdir og ábendingar er bárust á kynningartíma. Er umsögnin dags. 15. ágúst 2016. Með tilvísan í umsögn, framkomnar athugasemdir og ábendingar hafnaði skipulagsnefnd erindinu og vísaði málinu til afgreiðslu bæjarráðs og bæjarstjórnar.

Frestað.



16041207 - Fagraþing 2. Breytt deiliskipulag.

Frá skipulagsstjóra, dags. 16. ágúst, lögð fram að lokinni kynningu tillaga Verkfræðistofu Hauks Ásgeirssonar, dags. í janúar 2016, f.h. lóaðarhafa, að breyttu deiliskipulagi Fagraþings 2. Í breytingunni felst að breyta núverandi húsi á lóðinni úr einbýli í tvíbýli. Ein íbúð verður í hvorum helming hússins með sér inngangi. Bílskýli suðvestan-megin á 1. hæð og verönd norðaustan-megin á 1. hæð verður breytt í bílgeymslur. Svölum suðvestan- og norðaustan-megin á 2. hæð verður lokað og verða hluti af íbúðum. Þremur svölum er bætt við á suðausturhlið hússins, allar 1,6 m á dýpt. Aukning á heildarbyggingarmagni er 190,6 m2 og verður húsið 539,2 m2 eftir breytingu sbr. uppdráttum dags. í jan. 2016. Á fundi skipulagsnefndar 2. maí 2016 var samþykkt með tilvísan til 43. gr. skipulagslaga nr. 123/2010 að grenndarkynna framlagða tillögu fyrir lóðarhöfum Fagraþings 1, 2a, 3, 4, 5, 6, 8, 10, 12 og 14. Kynningartíma lauk 11. júlí 2016. Athugasemdir og ábendingar bárust frá íbúum Fagraþings 4, 6, 8, 10, 10a, 12 og 14 dagsett 5. júlí 2016, 6. júlí 2016 og 10. júlí 2016. Ennfremur lögð fram umsögn skipulags- og byggingardeildar um athugasemdir og ábendingar er bárust á kynningartíma. Er umsögnin dags. 15. ágúst 2016. Með tilvísan í framkomnar athugasemdir og ábendingar hafnaði skipulagsnefnd erindinu og vísaði málinu til afgreiðslu bæjarráðs og bæjarstjórnar.

Bæjarráð staðfestir afgreiðslu skipulagsnefndar með fimm atkvæðum.



1509217 - Markavegur 1-9. Breytt deiliskipulag.

Frá skipulagsstjóra, dags. 16. ágúst, að lokinni kynningu er lögð fram að nýju tillaga umhverfissviðs, dags. 21.3.2016, að breyttu deiliskipulagi Markavegar 1-9. Á fundi skipulagsnefndar 21.3.2016 var samþykkt með tilvísan til 43. gr. skipulagslaga nr. 123/2010 að grenndarkynna nýja tillögu í samræmi við minnisblað lögfræðisviðs dags. 26.11.2015. Kynning var send lóðarhöfum Markavegar 1, 2, 3, 4, 5, 6, 7, 8 og 9; Hæðarenda 1, 2 og 3 ásamt Kórnum. Kynningu lauk 20.5.2016. Athugasemdir bárust frá eigendum í Gulaþingi 42, dags. 22.5.2016; frá Jónasi Fr. Jónssyni, hdl., f.h. lóðarhafa Markavegar 1. Ennfremur lögð fram umsögn skipulags-og byggingardeildar dags. 15. ágúst 2016. Þá lögð fram tillaga skipulags- og byggingardeildar að breytingu á kynntri tillögu er nær til lóðarinnar nr. 1 við Markaveg. Í tillögunni er leitast við að koma til móts við athugasemdir og ábendingar lóðarhafa Markavegi 1. Er breytingartillagan dags. 15. ágúst 2016. Skipulagsnefnd samþykkti framlagða tillögu með áorðnum breytingu dags. 15. ágúst 2016 og vísaði málinu til afgreiðslu bæjarráðs og bæjarstjórnar.

Bæjarráð staðfestir afgreiðslu skipulagsnefndar með fimm atkvæðum.



1608008F - Skipulagsnefnd, dags. 22. ágúst 2016.

1281. fundur skipulagsnefndar í 8. liðum.

Lagt fram.



1607144 - Austurkór 151. Breytt deiliskipulag.

Frá skipulagsstjóra, dags. 23. ágúst, lagt fram erindi lóðarhafa Austurkórs 151 þar sem óskað er eftir að byggja einbýlishús á 1 hæð án kjallara, samanber meðfylgjandi skýringargögn dagsett 6. júlí 2016. Á fundi skipulagsnefndar 18. júlí 2016 var samþykkt með tilvísan til 43. gr. skipulagslaga nr. 123/2010 að grenndarkynna framlagða tillögu fyrir lóðarhöfum Austurkór 153, 155, 157, 159, 161, 163 og 165. Tillagan lögð fram að nýju ásamt samþykki ofangreindra lóðarhafa. Skipulagsnefnd samþykkti tillöguna og vísaði málinu til bæjarráðs og bæjarstjórnar.

Bæjarráð staðfestir afgreiðslu skipulagsnefndar með fimm atkvæðum.



1606655 - Álmakór 4. Hækkun á þaki. Breytt deiliskipulag.

Frá skipulagsstjóra, dags. 23. ágúst, lögð fram að nýju að lokinni kynningu tillaga Gríma arkitekta fh. lóðarhafa að breytingu á skipulagsskilmálum Álmakórs 4 sbr. erindi dags. 12. júní 2016. Í breytingunni felst hækkun á þaki á götuhlið hússins um 43 sm. sbr. uppdrátt í mkv. 1:100 dags. 12. júní 2016. Á fundi skipulagsnefndar 2016 var samþykkt með tilvísan í 43. gr. skipulagslaga nr. 123/2010 að grenndarkynna framlagða tillögu fyrir lóðarhöfum Álmakórs 1, 2, 3, 5 og 6. Kynningartíma lauk 22. ágúst 2016. Engar athugasemdir eða ábendingar bárust. Skipulagsnefnd samþykkti tillöguna og vísaði málinu til bæjarráðs og bæjarstjórnar.

Bæjarráð staðfestir afgreiðslu skipulagsnefndar með fimm atkvæðum.



1607215 - Dalvegur 26. Grenndarkynning.

Frá skipulagsstjóra, dags. 23. ágúst, lögð fram að nýju frá byggingarfulltrúa tillaga TRÍPÓLÍ arkitekta dags. 22. júní 2016 f.h. lóðarhafa þar sem að óskað er eftir að breyta hluta atvinnuhúsnæðis að Dalvegi 26 í gistiheimili í notkunarflokki 4 samanber uppdrætti í mælikvaraðnum 1:500 og 1:100. Í erindinu kemur fram m.a. að ráðgert er að í gistiheimilinu verði gistipláss fyrir 40 manns og 2-3 starfsmenn ásamt móttöku. Skipulagsnefnd frestaði afgreiðslu málsins og ákvað að kynna sér aðstæður á vettvangi. Sú vettvangferð var farin mánudaginn 15. ágúst 2016. Skipulagsnefnd samþykkti erindið með tilvísan til 3. mgr. 44. gr. skipulagslaga þar sem það varðar ekki hagsmuni annarra en sveitarfélagsins og umsækjanda, og vísaði málinu til bæjarráðs og bæjarstjórnar.

Bæjarráð staðfestir afgreiðslu skipulagsnefndar með fjórum atkvæðum og hjásetu Ólafs Þórs Gunnarssonar.



1605419 - Faldarhvarf 8, 10 og 12. Sólskálar. Breytt deiliskipulag.

Frá skipulagsstjóra, dags. 23. ágúst, lagt fram að nýju að lokinni kynningu erindi frá A2 arkitektum, dags. 10.5.2016, f.h lóðarhafa þar sem óskað er eftir breyttu deiliskipulagi Faldarhvarfs 8, 10 og 12. Í breytingunni felst að byggðir verði sólskálar við suðurhlið húsanna, hvor um sig 16 m2 að stærð. Byggingarreitur hvers skála er 3,5 m x 4,6 m og hámarkshæð þeirra verður 3,2 m sbr. uppdráttum dags. 10.5.2016. Á fundi skipulagsnefndar 30. maí 2016 var með tilvísan til 43. gr. skipulagslaga nr. 123/2010 samþykkt að grenndarkynna framlagða tillögu fyrir lóðarhöfum Faldarhvarfs 2, 4, og 6; Faxahvarfi 1, 2, 4, 5, 8 og 10. Kynningartíma lauk 22. ágúst 2016. Engar athugasemdir eða ábendingar bárust. Skipulagsnefnd samþykkti tillöguna og vísaði málinu til bæjarráðs og bæjarstjórnar.

Bæjarráð staðfestir afgreiðslu skipulagsnefndar með fimm atkvæðum.



15082892 - Skógarlind 2. Fjölorkustöð. Breytt deiliskipulag.

Frá skipulagsstjóra, dags. 23. ágúst, lögð fram erindi VBV verkfræðistofu Bjarna Viðarssonar ehf. fyrir hönd lóðarhafa Skógarlindar 2 um mögulega staðsetningu fjölorkustöðvar á lóðinni, drög (tillaga 1 og 2) dagsett 13. júlí 2016. Ennfremur lagt fram áhættumat VERKÍS verkfræðistofu dagsett í júlí 2016. Á fundi skipulagsnefndar 18. júlí 2016 var málinu vísað til Umhverfissviðs til umsagnar. Erindið lagt fram að nýju ásamt umsögn sviðsstjóra umhverfissviðs, dags. 17. ágúst 2016. Skipulagsnefnd samþykkti erindið með tilvísan til ofangreindrar umsagnar sviðsstjóra og með tilvísan til 3. mgr. 44. gr. skipulagslaga og vísaði málinu til bæjarráðs og bæjarstjórnar.

Bæjarráð staðfestir afgreiðslu skipulagsnefndar með fimm atkvæðum.



1608745 - Þorrasalir 13-15. Breytt aðkoma.

Frá skipulagsstjóra, dags. 23. ágúst, lagt fram erindi KRark f.h. lóðarhafa dags. 17. ágúst 2016 þar sem óskað er eftir breyttri aðkomu að fjölbýlishúsinu Þorrasalir 13-15 sbr. uppdrátt í mkv. 1:200. Skipulagsnefnd samþykkti erindið og vísaði málinu til bæjarráðs og bæjarstjórnar. Vakin er athygli á því að lóðarhafi/umsækjandi greiðir afleiddan kostnað af framkvæmdum á bæjarlandi, s.s. niðurtekt gangstéttar, færslu ljósastaurs eða annað það sem óhjákvæmilega getur þurft að breyta í kjölfar framkvæmda á einkalóðum.

Bæjarráð staðfestir afgreiðslu skipulagsnefndar með fimm atkvæðum.