Ályktun um Arnarnesveg.

Birkir Jón Jónsson lagði fram eftirfarandi tillögu að ályktun bæjarráðs:

"Bæjarráð Kópavogs brýnir fyrir yfirvöldum samgöngumála að ljúka við gerð Arnarnesvegar hið fyrsta. Fyrri áfanga verksins er nú að ljúka en alls óvíst um lok seinni áfanga sem er tenging við Breiðholtsbraut. Með tilliti til umferðaröryggis og styttingu vegalengda er um brýnustu framkvæmd í samgöngumálum á höfuðborgarsvæðinu að ræða. Það er óásættanlegt að samkvæmt fyrirliggjandi samgönguáætlun 2016-2018 sé ekki gert ráð fyrir að ljúka þessari framkvæmd og skorar bæjarráð Kópavogs á Alþingi að setja seinni hluta verks Arnarnesvegar inn á samgönguáætlun.

Sent umhverfis- og samgöngunefnd Alþingis og þingmönnum höfuðborgarsvæðisins."

Bæjarráð samþykkir tillöguna með fimm atkvæðum.