Auðbrekka þróunarsvæði, svæði 4, 5 og 6. Deiliskipulag.

Kynning á skipulagsgögnum yfirstandandi deiliskipulagsvinnu sem skipulagsráð samþykkti að hefja á fundi sínum 20. febrúar 2017 um gerð deiliskipulags á þróunarsvæði Auðbrekku, nánar til tekið á svæði 4 (Auðbrekku 15-25) og svæði 5 (Auðbrekku 2-14) sem og breytt deiliskipulag á svæði 3, nánar til tekið að Auðbrekku 9-11 og Dalbrekku 2.

Áætlanir skipulagsdeildar um byggðarþróun á umræddum svæðum eru í samræmi við Aðalskipulag Kópavogs 2019-2040 og markmið í svæðisskipulagi höfuðborgarsvæðisins 2015-2040.

Í ofangreindum skipulagsgögnum eru settar fram hugmyndir um að breyta og bæta ásýnd hverfisins með uppbyggingu verslunar- þjónustu og íbúðarhúsnæðis sem og opinna svæða og gönguleiða.

Kynning.

Í kjölfar hugmyndasamkeppni um skipulag athafnasvæðisins við Nýbýlaveg og Auðbrekku var unnin skipulagslýsing, Auðbrekka deiliskipulag, Nýjar leiðir - ný markmið - nýtt hlutverk dags. 4. maí 2015 fyrir þróunarsvæði Auðbrekku. Lýsingin var kynnt og auglýst og bárust athugasemdir við lýsinguna sem hafðar voru til hliðsjónar þegar unnin var deiliskipulag fyrir hluta þróunarsvæðisins, svæði 1, 2 og 3, nánar tiltekið ná þau svæði til Nýbýlavegar 2-12, Skeljabrekku 4, Dalbrekku 2, 4, og 6, Auðbrekku 1-13 (oddatölur) og Auðbrekku 29. Deiliskipulag fyrir ofangreinda reiti hefur þegar tekið gildi.

Lagt fram erindi skipulags- og byggingardeildar Umhverfissviðs um að hefja aðal- og deiliskipulagsvinnu við svæði 4, 5 og 6 á þróunarsvæði Auðbrekku, nánar til tekið ná þau svæði til Auðbrekku 2 til 32 (jafnar tölur og 15 til 25 (oddatölur).

Skipulagsráð samþykkir ofangreint erindi.