Launað orlof starfsmanna einum mánuði fyrir settan fæðingardag. Tillaga frá Birki Jóni Jónssyni

Tillaga frá Birki Jóni Jónssyni:

"Undirritaður óskar eftir því að bæjarstjóri taki saman minnisblað um kosti þess að veita starfsmönnum bæjarins möguleika á launuðu fríi einum mánuði fyrir settan fæðingardag. Jafnframt að mat verði lagt á kostnaðarauka við þessa kerfisbreytingu."

Greinargerð:

Kópavogsbær er einn stærsti vinnuveitandi landsins. Mikilvægt er að bærinn veiti starfsfólki sínu svigrúm til að samræma fjölskyldu- og atvinnulíf líkt og tilgangur laga um fæðingar- og foreldraorlof. Í þessu skyni er rétt að skoða hvort veita eigi verðandi foreldrum rétt til launaðs orlofs. Nú nýverið tók Hveragerðisbær þá ákvörðun að veita sínum starfsmönnum þessi réttindi. Það er brýnt að Kópavogsbær skoði kosti og galla þess að feta þá slóð sem Hveragerðisbær hefur markað.

Bæjarráð samþykkir tillögu Birkis Jóns Jónssonar með fjórum atkvæðum gegn mótatkvæði Karenar E. Halldórsdóttur.

Bókun Karenar E. Halldórsdóttur og Ásu Richardsdóttur:

"Við óskum eftir að tekið verði saman hversu margir starfsmenn fari í veikindaleyfi fyrir áætlaðan fæðingardag barns í umræddu minnisblaði."