Fífan, nýtt auglýsingaskilti.

Lagðar fram athugasemdir og ábendingar sem sendar hafa verið bæjaryfirvöldum vegna breytinga á framsetningu auglýsinga á skiltaturnum við Hafnarfjarðarveg og Reykjanesbraut. Breytingin felst í því að flettiskilti (veltiskilti) verða led-skjáir. Þá lagt fram minnisblað framkvæmdastjóra Billbord dags. 10. maí 2017, umsögn byggingarfulltrúa dags. 16. maí 2017 vegna fyrirspurnar í bæjarráði 4. maí 2017 og fundargerð bæjarráðs frá 18. maí 2017. Vésteinn Gauti Hauksson, framkvæmdastjóri Billboard Led Umhverfisauglýsinga mætir á fundinn.

Afgreiðslu frestað. Skipulagsráð leggur til að unnið verði að samræmdum verklagsreglum um uppsetningu auglýsingarskilta (LED-skjáa). Í verklagsreglunum verði m.a. fjallað staðsetningu, gerð og áhrif þeirra á nær umhverfið s.s. sjónræna mengun, birtu, áhrif á íbúa og umferð.