Fyrirspurn bæjarfulltrúa (Ólafur Þór Gunnarsson) um uppkaup Jáverks á lóðum

Fyrirspurn frá Ólafi Þór Gunnarssyni bæjarfulltrúa: "Í ljósi umræðu um uppkaup verktakans Jáverks á eignum á reitnum Álfhólsvegi, Meltröð, Digranesvegi, Skólatröð eins og fram hefur komið í fjölmiðlum er eftirfarandi spurningum beint til bæjarstjóra, formanns bæjarráðs, formanns skipulagsráðs, sviðsstjóra umhverfissviðs, bæjarritara og skiuplagsstjóra:

1. Hafa einhverjar viðræður, formlegar eða óformlegar átt sér stað milli kjörinna fulltrúa og fulltrúa verktakans.

2. Hafa einhverjar viðræður, formlegar eða óformlegar, átt sér stað milli embættismanna bæjarins og fulltrúa verktakans.

3. Hafa verktakinn eða fulltrúar hans leitað með erindi til starfsmanna bæjarins vegna ofangreinds reits."

Lagt fram.

Ármann Kr. Ólafsson bókar:

"Mér vitanlega hafa engar, hvorki formlegar né óformlegar, viðræður átt sér stað milli embættismanna og verktakans. Hinsvegar skal það upplýst að fulltrúi verktakans kom í viðtal til bæjarstjóra og spurðist fyrir um það hvort bærinn hefði áform varðandi breytingar á reitnum og var svarið neitandi."

Theódóra S. Þorsteinsdóttir bókar:

"Ég hef ekki átt í viðræðum við verktakann eða fulltrúa á hans vegum."