Hestheimar 14-16, Samskipahöllin. Freymarsfélagið. Umsagnarbeiðni vegna umsóknar um tímabundið áfengisleyfi

Frá lögfræðideild, dags. 5. febrúar, lagt fram bréf Sýslumannsins á höfuðborgarsvæðinu, dags. 31. janúar, þar sem óskað er umsagnar um umsókn Freymarsfélagsins, kt. 540316-1040, um tímabundið áfengisleyfi vegna þorrablóts þann 10. febrúar 2018, frá kl. 20:00 til kl. 02:00, í Samskipahöllinni að Hestheimum 14-16, Kópavogi, skv. 17. gr. laga nr. 85/2007 um veitingastaði, gististaði og skemmtanahald og 30. gr. rgl. nr. 1277/2016. Samkvæmt 1. tl. 4. mgr. 10. gr. laga nr. 85/2007 staðfestir sveitarstjórn sem umsagnaraðili að afgreiðslutími og staðsetning staðar sem umsókn lýtur að sé innan þeirra marka sem reglur og skipulag sveitarfélagsins segja til um.

Bæjarráð samþykkir með fimm atkvæðum að veita jákvæða umsögn með vísan til minnisblaðs lögfræðideildar.