Hinsegin fræðsla í grunnskólum Kópavogs. Fyrirspurn frá Margréti Júlíu Rafnsdóttur

Frá sviðsstjóra menntasviðs, dags. 6. mars, lagt fram svar við fyrirspurn varðandi hinsegin fræðslu í grunnskólum Kópavogs.

Jafnframt er lögð fram greinagerð menntasviðs um hinsegin fræðslu í grunnskólum Kópavogs frá árinu 2016.

Margrét Júlía Rafnsdóttir lagði fram eftirfarandi bókun:

"Ég þakka fyrir svarið og greinargerðina, sem er ítarleg og góð. Þó að mikilvægt sé að nemendur geti leitað stuðning innan skólans, tel ég mikilvægt að gengið sé til samstarfs við Samtökin78, þar sem samtökin veita stuðning og ráðgjöf auk fræðslu. Í S78 er sérþekking hvað varðar hinsegin málefni og mikilvægt að hinsegin nemendur geti leitað sér stuðnings þar sem þekkingin er mest og frá aðilum sem þeir geta samsamað sér með.

Margrét Júlía Rafnsdóttir"

Frá Margréti Júlíu, bæjarfulltrúa, óskað eftir upplýsingum um stöðu Hinsegin fræðslu í grunnskólum Kópavogs. Jafnframt er óskað eftir áætlunum um áframhaldandi fræðslu og vitundarvakninu um stöðu hinsegin nemenda og fjölskyldna á öllum skólastigum.

Bæjarráð vísar fyrirspurninni til sviðsstjóra menntasviðs til umsagnar.