Staða leikskólamála.

Frá Pétri Hrafni Sigurðssyni, þar sem óskað er eftir að staða leikskólamála verði rædd.

Bæjarfulltrúar Samfylkingar lögðu fram eftirfarandi bókun:

"Bæjarfulltrúar Samfylkingarinnar telja mikilvægt að vinna að bættu starfsumhverfi starfsfólks í leikskólum Kópavogs og skoða möguleika á að lækka starfshlutfall þess án þess að lækka laun þeirra. Því er beint til bæjarstjórnar að setja á stofn starfshóp sem fái það hlutverk að skoða starfsaðstæður starfsfólks á leikskólum í Kópavogi m.a. með því að lækka starfshlutfall þess, án þess að það hafi áhrif á launakjör þess.

Pétur Hrafn Sigurðsson, Ása Richardsdóttir"

Birkir Jón Jónsson og Margrét Júlía Rafnsdóttir taka undir bókun bæjarfulltrúa Samfylkingarinnar.

Hlé var gert á fundi kl. 17.45. Fundi var fram haldið kl. 18.00.

Fulltrúar meirihluta Sjálfstæðisflokks og Bjartrar framtíðar lögðu fram eftirfarandi bókun:

"Á yfirstandandi kjörtímabili hefur verið ráðist í fjölmargar aðgerðir í leikskólamálum í Kópavogi. Meðal þeirra má nefna að ófaglærðir starfsmenn leikskólum hafa fengið sérstakar álagsgreiðslur og veruleg aukning á undirbúningstímum í leikskólum átta sér stað.

Mikil áhersla hefur verið á að bæta enn frekar aðstöðu og aðbúnað starfsmanna og barna á leikskólum. Húsgögn, tölvubúnaður og vinnuaðstaða verður endurnýjuð eftir þörfum. Í þessum framkvæmdum var sérstök áhersla lögð á að bæta hljóðvist og unnið eftir metnaðarfullri framkvæmdaáætlun í endurbótum skólalóða. Unnið að heilsueflingu og vellíðan barna og starfsmanna í anda lýðheilsustefnu Kópavogsbæjar. Þá er unnið markvisst að því að fjölga fagmenntuðum leikskólakennurum hjá Kópavogsbæ og fékk bærinn viðurkenninguna Orðsporið fyrir það frumkvæði árið 2015.

Áfram verður markvisst unnið að efla enn frekar starfsumhverfi leikskóla í Kópavogi.

Ármann Kr. Ólafsson, Margrét Friðriksdóttir, Theódóra Þorsteinsdóttir, Ragnhildur Reynisdóttir, Karen Halldórsdóttir, Hjördís Ýr Johnson, Guðmundur Geirdal"

Frá Pétri Hrafn Sigurðssyni, óskað eftir að staða leikskólamála verði dagskrármál á fund bæjarstjórnar sem haldinn verður 10. apríl n.k.

Forsætisnefnd samþykkir að taka málið á dagskrá bæjarstjórnar.