Fyrirspurn um kostnað vegna söfnunar á plasti frá heimilum. Frá Einari Erni Þorvarðarsyni

Frá sviðsstjóra umhverfissviðs, dags. 20. ágúst, lagt fram svar við fyrirspurnum um kostnað vegna söfnunar á plasti frá heimilum í bæjarráði þann 12. júlí sl.

Lagt fram.

Bæjarfulltrúi Einar Þorvarðarson, þakkar svörin.

Frá Einari Erni Þorvarðarsyni, bæjarfulltrúa:

"Söfnun á plasti frá heimilum á vegum Sorpu bs. Óska eftir upplýsingum um hver heildarkostnaðurinn er og þann kostnað sem Kópavogsbær þarf að bera er varðar nýja lausn til að flokka plast frá heimilum á starfstöð Sorpu bs. Hvort sem það eru tækjakaup, starfskostnaður eða á fasteignum í eigu byggðasamlagsins. Hver umhverfisleg markmið voru við upphaf ákvörðunar og hver umhverfislegur árangur er miðað við þau markmið sem lagt var upp með."

Bæjarráð vísar fyrirspurninni til sviðsstjóra umhverfissviðs til úrvinnslu.

Karen Halldórsdóttir lagði fram eftirfarandi bókun:

"Undirrituð óskar eftir að jafnframt verði tekinn saman kostnaður við tilraunaverkefni Kópavogs við sorpflokkun.

Karen Halldórsdóttir"