HK-umsókn um æfingatíma í íþróttamannvirkjum 2018 - 2019

Lögð fram að nýju umsókn Aðalstjórnar HK dags. 15. júlí sl., þar sem félagið sækir um æfingatíma fyrir sex deildir, þ.e. bandý-, blak-, borðtennis-,dans-, handknattleiks- og knattspyrnudeild, sem frestað var á síðasta fundi. Ítarlegri gögn hafa borist.

Íþróttaráð samþykkir eftirfarandi;

Bandýdeild:

Fær sami tímafjölda í Digranesi og á liðnu tímabili. HK hefur til ráðstöfunar tíma í stóra salnum eftir að skóla lýkur á daginn og til kl. 21:00 á kvöldin.

Blakdeild:

Fær úthlutað sama tímafjölda í Kópavogsskóla og Fagralundi og á síðasta tímabili til æfinga og keppni. Tímar sem deildin hafði til ráðstöfunar á sunnudögum gætu hinsvegar fallið niður. Ekki er hægt að verða við ósk félagsins um viðbótartíma á þriðjudögum kl. 21-22.

Borðtennisdeild:

Fær úthlutað tímum í Snælandsskóla með fyrirvara um áframhaldandi starfsleyfi.

Dansdeild:

Fær úthlutað tímum í samkomusal Fagralundar eins og sl. ár frá 14:00 til 21:00 og laugardaga frá 9:00 til 14:00.

Handknattleiksdeild:

Fær úthlutað sömu tímum í Digranesi og á liðnu tímabili. Deildin fær einnig úthlutað tímum um helgar undir æfingar og leiki. HK hefur til ráðstöfunar tíma í stóra salnum á virkum dögum eftir að skóla lýkur á daginn og til kl. 21:00 á kvöldin. Í Kársnesi fær deildin úthlutað sömu tímum og á síðasta tímabili. Einnig stendur deildinni til boða að bæta við tímum um helgar í Kársnesi. Ekki er hægt að verða við ósk félagsins um tíma í Fagralundi en deildin fær úthlutað 4 tímum í íþróttahúsi Lindaskóla.

Knattspyrnudeild:

Fær úthlutað sama tímafjölda í Kórnum og félagið hafði síðasta vetri og verður áfram með sömu tíma og á liðnu tímabili á gervigrasi úti við Kórinn. Ekki er hægt að verða við óskum deildarinnar um 4 helgar í Knatthúsi Kórsins undir mótahald.

Lögð fram umsókn Aðalstjórnar HK dags. 15. júlí sl., þar sem félagið sækir um æfingatíma fyrir sex deildir, þ.e. bandý-, blak-, borðtennis-,dans-, handknattleiks- og knattspyrnudeild.

Frestað til næsta fundar.