Breiðablik-umsókn um æfingatíma í íþróttamannvirkjum 2018 - 2019

Lögð fram að nýju umsókn Aðalstjórnar Breiðabliks dags. 8. ágúst sl., þar sem félagið sækir um æfingatíma fyrir átta deildir ásamt íþróttaskóla en það eru frjálsíþrótta-, karate-, knattspyrnu-, körfuknattleiks-, skák-, skíða-, sund- og taekwandodeild, sem frestað var á síðasta fundi ráðsins. Ítarlegri gögn hafa borist.

Íþróttaráð samþykkir eftirfarandi;

Frjálsíþróttadeild:

Ekki er hægt að verða við ósk deildarinnar um tíma í Kórnum en deildin hefur tíma í Fífunni, Smáranum og á Kópavogsvelli.

Breiðablik fær úthlutað 6,5 tímum í Fagrilundi (mánudaga 15-16, miðviku- og föstudaga kl. 15-17 og sunnudaga 12:30-14:00). Aðalstjórn félagsins deilir þessum tímum til deilda félagsins en tímarnir eru eyrnamerktir til að sinna nærþjónustu fyrir yngstu iðkendurna í hverfinu.

Karatedeild:

Engin umsókn barst frá deildinni, en Breiðablik hefur til ráðstöfunar alla æfingatíma í Smáranum þar sem deildin æfir.

Knattspyrnudeild:

Fær úthlutað sama tímafjölda í Fífunni og síðasta vetur. Deildin verður einnig með sömu tíma í Fagralundi. Ekki er hægt að verða við ósk deildarinnar varðandi tíma í Kórnum né í íþróttahúsi Fagralundar. Stefnt er að því að gervigrasið í Fagralundi verðri tilbúið til notkunar um miðjan nóvember og þarf deildin að taka mið af því við gerð æfingatöflu. Íþróttaráð/Kópavogsbær hefur ekki aðra velli til ráðstöfunar á þessum tíma en telur að félagið ætti að geta notað Kópavogsvöll eftir því sem aðstæður bjóða.

Körfuknattleiksdeild:

Fær úthlutað 5 tímum í Kársnesi og 11 tímum í Lindaskóla. Tími frá 14-15 á föstudögum verður þó að færast eftir kl. 16:00 vegna skóla tveir tímar ( 12-14) á laugardegi. Annars æfir deildin í Smáranum.

Breiðablik fær úthlutað 6,5 tímum í Fagrilundi (mánudaga 15-16, miðviku- og föstudaga kl. 15-17 og sunnudaga 12:30-14:00). Aðalstjórn félagsins deilir þessum tímum til deilda félagsins en tímarnir eru eyrnamerktir til að sinna nærþjónustu fyrir yngstu iðkendurna í hverfinu. Ekki er hægt að verða við ósk deildarinnar um tíma í Kórnum.

Skákdeild:

Fær úthlutað tímum í stúku Kópavogsvallar eins og sl. ár.

Sunddeild:

Fær úthlutað sömu tímum og sl. ár í sundlaugum bæjarins. Íþróttaráð getur ekki orðið við beiðni um fjölgun tíma/brauta í Sundlaug Kópavogs. Vísað til forstöðumanna sundlauganna til frekari úrvinnslu.

Skíðadeild:

Fær úthlutað 8 tímum í íþróttahúsi Kársnes. Deildinni er boðið að lausa nýta tíma í Kópavogsskóla eða Vestursal í Digranesi. Ekki er hægt að verða við óskum deildarinnar um tíma í aðalsal Digraness.

Taekwandodeild:

Fær úthlutað sömu tímum í Lindaskóla og sl. ár en ekki er hægt að verða við óskum deildinnar um tíma í Fagralundi en vísað til þess að aðalstjórn Breiðabliks fær úthlutað 6,5 tímum í Fagrilundi (mánudaga 15-16, miðviku- og föstudaga kl. 15-17 og sunnudaga 12:30-14:00) til úthlutunar, eyrnamerkt til að sinna nærþjónustu fyrir yngstu iðkendurna í hverfinu.

Íþróttaskóli í Fossvogi:

Breiðablik hefur lagt fram áætlum um að starfrækja íþróttaskóla fyrir börn í 1-4 bekk, í Fagralundi 2-3 virka daga milli kl 15:00-16:00, Þar verði boðið uppá alhliða þjálfun í öllum íþróttagreinum sem eru innan vébanda félagsins. Breiðablik fær úthlutað 6,5 tímum í Fagrilundi (mánudaga 15-16, miðviku- og föstudaga kl. 15-17 og sunnudaga 12:30-14:00. Aðalstjórn félagsins deilir þessum tímum til deilda félagsins en tímarnir eru eyrnamerktir til að sinna nærþjónustu fyrir yngstu iðkendurna í hverfinu.

Lögð fram umsókn Aðalstjórnar Breiðabliks dags. 8. ágúst sl., þar sem félagið sækir um æfingatíma fyrir átta deildir ásamt íþróttaskóla en það eru frjálsíþrótta-, karate-, knattspyrnu-, körfuknattleiks-, skák-, skíða-, sund- og taekwandodeild.

Frestað til næsta fundar.