Skipan stýrihóps um snjallbæinn Kópavog. Tillaga frá BF Viðreisn

Frá bæjarfulltrúum Pírata, Samfylkingar og BF Viðreisnar; fyrirspurn um úrvinnslu bæjarstjóra á tillögu BF Viðreisnar er varðar að skipaður verði stýrihópur um snjallbæinn Kópavog. Einnig óskað eftir upplýsingum um hvort fyrirhugað sé að senda fulltrúa frá Kópavogsbæ á ráðstefnur er varðar "Smart City" sem nú eru fyrirhugaðar í Evrópu.

Bæjarráð vísar erindinu til bæjarstjóra.

Frá BF Viðreisn, tillaga um að skipaður verði stýrihópur um snjallbæinn Kópavog þar sem markmiðið er að fara í enn frekari snjallvæðingu.

Bæjarráð samþykkir að vísa málinu til bæjarstjóra til úrvinnslu.

Bókun:

"Í stefnuskrá Sjálfstæðisflokks fyrir síðustu kosningar var áhersla lögð á snjallbæinn Kópavog með áhersluorðunum "Það er snjallt að búa í Kópavogi". Málefnasamningur um meirihlutasamstarf Framsóknarflokks og Sjálfstæðisflokks endurspeglar áhersluna á snjallbæinn Kópavog með fjölbreyttum verkefnum í flestum málaflokkum, s.s. að grunnskólar verði í fremstu röð í snjalltækni, nýjungar í velferðartækni verði innleiddar og nýjar tæknilausnir verði notaðar til að bæta stjórnsýslu og aðra þjónustu við Kópavogsbúa svo nokkuð sé nefnt. Ljóst er að núverandi meirihluti mun á kjörtímabilinu vinna jafnt og þétt að framvindu mála og verkefna á öllum sviðum bæjarins með snjalltækni að leiðarljósi. Það er ánægjulegt að BF Viðreisn sýni málinu áhuga og er annt um að áfram verði unnið að snjallvæðingu Kópavogs.

Margrét Friðriksdóttir

Hjördís Johnson

Birkir Jón Jónsson"

Bókun:

"Björt framtíð lagði mikla áherslu á síðasta kjörtímabili að snjallvæða Kópavog eins og kom fram í erindi bæjarfulltrúa Sverris Óskarssonar í bæjarstjórn á síðasta kjörtímabili og verkefnin bera með sér. Kópavogsbær er kominn vel á veg og eðlilegt framhald að stofna stýrihóp utan um verkefnið.

Theódóra S. Þorsteinsdóttir"