Fyrirspurn varðandi dagvistun og hjúkrunarrými eldri borgara

Tillaga frá Pétri Hrafni Sigurðssyni um að vísa svari við fyrirspurn Samfylkingarinnar varðandi þörf á dagvistun og hjúkrunarrými fyrir aldraða næstu 15 árin sem fram kom á fundi Velferðarráðs þann 24.09.2018 til umfjöllunar í Öldungaráði.

Tillögunni var hafnað með fjórum atkvæðum Karenar Halldórsdóttur, Hjördísar Johnson, Einars Þorvarðarsonar og Helgu Hauksdóttur. Pétur Hrafn Sigurðsson greiddi atkvæði með tillögunni.

Svar við fyrirspurn Kristínar Sævarsdóttur og Donötu Honkowicz Bukowska Sem lögð var fram á fundi velferðarráðs 10. september.

Lagt fram.

Guðmundur G. Geirdal þakkaði Kristínu og Donötu fyrir fyrirspurnina og velferðarsviði fyrir svarið. Einnig lagði hann fram eftirfarandi bókun:

"Málefni eldri borgara eru á hendi ríkisins og hefur bæjarstjóri fyrir hönd Kópavogs vakið athygli á slakri stöðu hjúkrunar- og dagvistunarmála eldri borgara við velferðarráðuneytið, bæði með bréfaskriftum og tveimur fundum með heilbrigðisráðherra og er sá síðari ný afstaðinn. Þar hefur verið lagt til að taka nú þegar í notkun tíu ný dagvistunarrými við hjúkrunarheimilið Sunnuhlíð sem myndu nýtast allt að 25 manns. Jafnframt hefur hann haldið á lofti áhyggjum bæjarins yfir því að ekkert hefur gerst í að reisa 64 ný hjúkrunarrými að Boðaþingi, sem skrifað var undir fyrri hluta árs 2016. Lagði hann m.a. til að bærinn tæki framkvæmdir yfir til þess að þær gætu hafist sem allra fyrst." Ragnheiður S. Dagsdóttir tók undir bókunina.

Fulltrúar minnihluta lögðu fram eftirfarandi bókun: "Ljóst er að ríkisvaldið þarf að gera átak í málefnum aldraðra bæði hvað varðar dagvistun sem og hjúkunarheimili. Ekki liggur fyrir hjá Kópavogsbæ heildaráætlun um uppbyggingu og þróun dagvistar og hjúkrunarúrræða fyrir aldraða í Kópavogi á næstu fimmtán árum. Slík áætlun er nauðsynleg til að bregðast við þeim vanda sem er fyrirsjáanlegur á næstu árum.

Pétur Hrafn Sigurðsson, Kristín Sævarsdóttir, Donata Bukowska og Sigurbjörg Erla Egilsdóttir"

Guðmundur G. Geirdal bókaði: "Eins og fyrr hefur komið fram eru málefni eldri borgara á hendi ríkisins og hvað áætlunargerð til næstu 15 ára varðar er Kópavogur á þeirri vegferð að innleiða heimsmarkmið Sameinuðu Þjóðanna þar sem velferð eldri borgara, sem og annarra íbúa Kópavogs, er höfð að leiðarljósi." Ragnheiður S. Dagsdóttir, Björg Baldursdóttir og Baldur Þ. Baldvinsson tóku undir bókunina.

Lögð var fram eftirfarandi fyrirspurn:

"1. Hversu margir eldri borgarar bíða eftir dagvistun í dag? Óskað er eftir að áætlun verði lögð fram um hversu margir Kópavogsbúar muni þurfa á dagvistun að halda á næstu 15 árum.



2. Hversu margir Kópavogsbúar eru á biðlista eftir að komast á hjúkrunarheimili? Jafnframt er óskað eftir áætlun yfir fjölda einstaklinga í Kópavogi sem þurfa á hjúkrunarheimili að halda eftir 15 ár. Þá er átt við einstaklinga sem eru þá 84 ára gamlir. Er til áætlun um uppbyggingu hjúkrunarheimila í Kópavogi til að mæta fyrirséðri þörf eftir 15 ár?



Kristín Sævarsdóttir

Donata Honkowicz Bukowska"