Styrkveiting jafnréttis- og mannréttindaráðs

Aftur kemur það fyrir að ráðið hefur ekki fjármagn til að styrkja þau verðugu verkefni sem sótt er um að fullu. Því beinir jafnréttis- og mannréttindaráð því aftur til bæjarstjórar þeirri ósk að hækka fjármagn fyrir styrkveitingu ráðsins úr 400.000 kr. í 1.000.000 kr.

Upphæð umrædds styrkjar hefur ekki verið hækkuð í árana raðir, og er það mat ráðsins að tímabært sé að hækka styrkupphæðina þar sem hafna hefur þurft verðugum verkefnum í þágu jafnréttis- og mannréttindamála í Kópavogsbæ. Með þessu myndi Kópavogsbær sýna virðingu fyrir málaflokknum í verki og styðja við framgang jafnréttis- og mannréttindamála í sveitarfélaginu.

Jafnréttis- og mannréttindaráð beinir því til bæjarstjórnar við gerð næstu fjárhagsáætlunar að hækka fjármagn fyrir styrkveitingu ráðsins úr 400.000 kr. í 500.000 kr.

Ef miðað er við vísitölu neysluverðs frá janúar árið 2011 til ágúst 2018 hefur vísitalan hækkað 25 prósent, sem ætti að hafa í för með sér hækkun á styrkveitingu ráðsins í 500.000 kr. Að mati ráðsins er það tímabært þar sem hafna hefur þurft verðugum verkefnum í þágu jafnréttis- og mannréttindamála í Kópavogsbæ. Með þessu myndi Kópavogsbær sýna virðingu fyrir málaflokknum í verki og styðja við framgang jafnréttis- og mannréttindamála í sveitarfélaginu.

Jafnréttisráðgjafa er falið að auglýsa eftir styrkumsóknum vegna ársins 2018. Frestur til að skila inn umsóknum verður til og með 16. október nk. Stefnt er að því að umsóknarferli verði rafrænt fyrir næsta umsóknartímabil.