Stefnumótun Kópavogsbæjar í loftslagsmálum. Tillaga frá Pírötum

Frá Pírötum, tillaga um að Kópavogsbær móti sér stefnu í loftlagsmálum þar sem dregin eru fram markmið til að minnka útblástur koltvíoxíðs í andrúmsloftið, bæði fyrir Kópavogsbæ sem sveitarfélag og vinnustað, ásamt aðgerðaráætlun og eftirfylgni. Afar fá sveitarfélög á Íslandi hafa sett sér stefnu í loftlagsmálum, en brýnt er að auka þá aðkomu og vinnu. Hér er tækifæri til að marka Kópavogi sess sem sjálfbæru fyrirmyndar samfélagi í loftlagsmálum á Íslandi.

Bæjarráð vísar erindinu til bæjarritara til umsagnar.

Sigurbjörg Erla Egilsdóttir lagði fram eftirfarandi bókun:

"Hnattræn hlýnun af mannavöldum er helsta vá okkar tíma. Við þurfum að bregðast við strax og það er mikilvægt skref að sveitarfélög leggi metnað í að sporna gegn loftslagsbreytingum og stefni að kolefnishlutleysi eins fljótt og auðið er.

Sigurbjörg Erla Egilsdóttir"