Æfingagjöld íþróttafélaga 2018/2019

Lagðar fram skýringar frá karate- og skíðadeild Breiðabliks og tilteknum flokkum hjá blak-, handknattleiks- og knattspyrnudeildum HK. Þessar deildir fengu send ítrekunarbréf um nánari skýringar á gjaldskráhækkunum hjá þeim á milli ára, samanber fyrsta dagkrárlið síðasta fund íþróttaráðs.

Íþróttaráð telur að í skýringum HK við gjaldskrárbreytingum sem hafa orðið hjá viðkomandi flokkum, komi fram fullnægjandi rök fyrir hækkunum umfram verðlagsbreytingar sem helst felast í fjölgun og lengingu æfingatíma/-tímabila sem og aukinni þjónustu við yngri flokka félagsins.

Það sama gildir um skýringar skíða- opg karatedeildar Breiðabliks sem ráðið telur fullnægjandi.

Íþróttaráð beinir þeim tilmælum til starfsmanna íþróttadeildar Kópavogsbæjar að næst er óskað verður eftir upplýsingum um gjaldskrár að þá verði frá upphafi lagðar fram nægjanlega ítarlegar upplýsingar til að unnt er að skilja með góðum hætti verðbreytingar.

Á fundi nefndarinnar var rætt um æfingamagn í mismunandi aldursflokkum og hvort að alltaf væri nauðsyn að auka jafnt og þétt tíðni æfinga, þó svo að nefndin ætli sér ekki að gefa út sérstakar leiðbeiningar hvað þetta atriði varðar að svo stöddu.

Tekin fyrir að nýju umræða um æfingagjöld íþróttafélaganna í Kópavogi fyrir starfsárið 2018-2019.

Á 87. fundi ráðsins þann 3. des. sl., bókaði íþróttaráð eftirfarandi:

"Íþróttaráð telur afar mikilvægt að greinargóðar upplýsingar liggi fyrir um raunverulegar forsendur fyrir gjaldskrárbreytingum hverju sinni. Af þeirri ástæðu fer íþróttaráð fram á að íþróttadeild óski eftir frekari skýringum hjá þeim þjónustuveitendum sem voru með hækkanir umfram viðmið við fyrstu yfirferð íþróttaráðs. Þá leggur íþróttaráð áherslu á að íþróttadeild afli upplýsinga um kostnað notenda á ársgrundvelli.

Lagðar fram skýringar íþróttafélaganna á þeim gjaldskrárbreytingum sem orðið hafa frá síðasta starfsári.

Íþróttaráð óskar eftir nánari upplýsingum um gjaldskrárhækkanir milli ára frá karate- og skíðadeild Breiðabliks og tilteknum flokkum hjá blak-, handknattleiks- og knattspyrnudeild HK. Íþróttaráð beinir þeim tilmælum til Íþróttafulltrúa að samhliða frekari fyrirspurn til framangreindra félaga að þá fylgi jafnframt með afrit af þeim reglum sem Íþróttaráð hefur sett varðandi eftirlit með gjaldskrárbreytingum sem Íþróttaráð hefur sett og er að vinna eftir en þær hafa verið lagðar fram bæði í bæjarráði og bæjarstjórn til samþykktar.

Lagt fram yfirlit yfir æfingagjöld íþróttafélaganna í Kópavogi fyrir starfsárið 2018-2019. Í yfirlitinu eru breyting æfingagjaldanna frá síðasta starfsári skoðuð með tilliti til hækkunar/lækkunar.

Í könnun íþróttadeildar á æfingagjöldum þjónustuveitenda þeirra sem eiga aðild að íþrótta- og tómstundakerfi Kópavogsbæjar kemur fram að víða hafi gjöld verið hækkuð nokkuð umfram þau viðmið sem Íþróttaráð hefur lagt til grundvallar. Íþróttaráð telur afar mikilvægt að greinargóðar upplýsingar liggi fyrir um raunverulegar forsendur fyrir gjaldskrárbreytingum hverju sinni. Af þeirri ástæðu fer íþróttaráð fram á að íþróttadeild óski eftir frekari skýringum hjá þeim þjónustuveitendum sem voru með hækkanir umfram viðmið við fyrstu yfirferð íþróttaráðs. Þá leggur íþróttaráð áherslu á að íþróttadeild afli upplýsinga um kostnað notenda á ársgrundvelli.