Ársreikningur Kópavogsbæjar 2018

Ármann Kr. Ólafsson, bæjarstjóri, gerði grein fyrir helstu niðurstöðum samantekins ársreiknings Kópavogsbæjar 2018, A-hluta fyrirtækja samstæðunnar, sem eru Eignasjóður Kópavogsbæjar, Byggingarsjóður MK og Þjónustumiðstöð Kópavogsbæjar, svo og B-hluta fyrirtækja Kópavogsbæjar; Fráveitu Kópavogsbæjar, Vatnsveitu Kópavogsbæjar og Húsnæðisnefndar Kópavogsbæjar ásamt ársreikningum B-hluta fyrirtækjanna Tónlistarhúss Kópavogs, Bílastæðasjóðs Kópavogs og Hafnarsjóðs Kópavogs, sem höfðu verið samþykktir í viðkomandi stjórn/nefnd. Einnig var lagður fram samþykktur ársreikningur Vatna ehf., Fjarskiptafélagsins Rjúpnahæð ehf. og félagsins Músik og saga ehf. Þá var lögð fram skýrsla löggiltra endurskoðenda bæjarins. Lagði bæjarstjóri til að samantekinn ársreikningur Kópavogsbæjar 2018 ásamt fylgigögnum yrði samþykktur.

Hlé var gert á fundi kl. 16.35. Fundi var fram haldið kl. 16.48.

Fulltrúar Samfylkingar, BF-Viðreisnar og Pírata lögðu fram svohljóðandi bókun:

"Rekstur Kópavogsbæjar gekk vel á síðasta ári eins og ársreikningurinn ber með sér, enda hafa skatttekjur Kópavogsbæjar aukist um 1.6 milljarða króna frá síðasta ári. Frá árinu 2012 hafa skattekjur aukist um 40%. Ekki er hægt að reikna með að skatttekjur haldi áfram að vaxa með sama hraða á næstu árum. Það eru því blikur á lofti. Mikilvægt er að bæjarfulltrúar fari í ítarlega vinnu þar sem allir þættir í fjárhag Kópavogs verði skoðaðir og öllum steinum velt við. Slík endurskoðun hefur ekki farið fram síðan árið 2011 og því tími til kominn.

Pétur Hrafn Sigurðsson, Bergljót Kristinsdóttir, Sigurbjörg Erla Egilsdóttir, Theodóra S. Þorsteinsdóttir, Einar Örn Þorvarðarson"

Fulltrúar Sjálfstæðis- og Framsóknarflokks lögðu fram svohljóðandi bókun:

"Ársreikningur Kópavogsbæjar sýnir fyrst og fremst sterka stöðu bæjarsjóðs. Rekstrarafgangur nam 1,3 milljörðum króna árið 2018 sem er u.þ.b. helmingi hærri afgangur en áætlun gerði ráð fyrir. Þá er skuldaviðmið komið ofan í 108% í árslok 2018 en var 133% árið 2017. Fjárfest var fyrir 3,6 milljarða króna í eigum bæjarins og engin ný lán tekin til framkvæmda. Heildartekjur jukust úr 30,8 milljörðum króna í 32,1 milljarða. Þá varð meiri fjölgun í bænum en reiknað hafði verið með eða um 2,9%. Ársreikningurinn er afrakstur góðrar samvinnu við starfsfólk bæjarins og á milli kjörinna fulltrúa.

Ármann Kr. Ólafsson, Margrét Friðriksdóttir, Karen Halldórsdóttir, Hjördís Johnon, Guðmundur Geirdal, Helga Hauksdóttir"

Forseti bar undir atkvæði ársreikning A-hluta fyrirtækja Kópavogsbæjar - Aðalsjóðs Kópavogsbæjar. Samþykktur með 11 greiddum atkvæðum.

Forseti bar undir atkvæði ársreikning A-hluta fyrirtækja Kópavogsbæjar - Eignasjóðs Kópavogsbæjar. Samþykktur með 11 greiddum atkvæðum.

Forseti bar undir atkvæði ársreikning A-hluta fyrirtækja Kópavogsbæjar - Byggingarsjóðs MK. Samþykktur með 11 greiddum atkvæðum.

Forseti bar undir atkvæði ársreikning A-hluta fyrirtækja Kópavogsbæjar - Þjónustumiðstöð Kópavogsbæjar. Samþykktur með 11 greiddum atkvæðum.

Forseti bar undir atkvæði ársreikning B-hluta fyrirtækja Kópavogsbæjar - Húsnæðisnefnd Kópavogsbæjar. Samþykktur með 11 greiddum atkvæðum.

Forseti bar undir atkvæði ársreikning B-hluta fyrirtækja Kópavogsbæjar - Tónlistarhúss Kópavogs. Samþykktur með 11 greiddum atkvæðum.

Forseti bar undir atkvæði ársreikning B-hluta fyrirtækja Kópavogsbæjar - Bílastæðasjóðs Kópavogs. Samþykktur með 11 greiddum atkvæðum.

Forseti bar undir atkvæði ársreikning B-hluta fyrirtækja Kópavogsbæjar - Hafnarsjóðs Kópavogsbæjar. Samþykktur með 11 greiddum atkvæðum.

Forseti bar undir atkvæði ársreikning B-hluta fyrirtækja Kópavogsbæjar - Fráveitu Kópavogsbæjar. Samþykktur með 11 greiddum atkvæðum.

Forseti bar undir atkvæði ársreikning B-hluta fyrirtækja Kópavogsbæjar - Vatnsveitu Kópavogsbæjar. Samþykktur með 11 greiddum atkvæðum.

Forseti bar undir atkvæði ársreikning Vatna ehf. Samþykktur með 11 greiddum atkvæðum.

Forseti bar undir atkvæði ársreikning Fjarskiptafélagsins Rjúpnahæð ehf. Samþykktur með 11 greiddum atkvæðum.

Forseti bar undir atkvæði ársreikning félagsins Músik og saga ehf. Samþykktur með 11 greiddum atkvæðum.

Forseti bar undir atkvæði í heild sinni samantekinn ársreikning Kópavogsbæjar, þ.e. ársreikning Kópavogsbæjar, A- og B-hluta fyrirtækja hans ásamt framlögðum ársreikningum B-hluta fyrirtækja og öðrum fylgigögnum. Samþykktur með 11 greiddum atkvæðum.

Áritun ársreiknings o.fl. Ingólfur Arnarson fjármálstjóri gerir grein fyrir helstu stærðum og fer yfir yfir rekstar- og efnahagsreikning.

Hafnarstjórn samþykkir framlagaðan ársreikning 2018 með öllum greiddum atkvæðum.

Frá fjármálastjóra, lagðir fram ársreikningar Kópavogsbæjar og stofnana bæjarins fyrir árið 2018. Bæjarráð samþykkti ársreikning Kópavogsbæjar fyrir árið 2018 ásamt ársreikningi stofnana bæjarins skv. 3. mgr. 61. gr. sveitarstjórnarlaga nr. 138/2011. Ársreikningur Kópavogsbæjar fyrir árið 2018 er undirritaður og tilbúinn til endurskoðunar og afgreiðslu bæjarstjórnar.

Ármann Kr. Ólafsson, bæjarstjóri, gerði grein fyrir helstu niðurstöðum ársreiknings Kópavogsbæjar, A og B hluta. Greindi hann frá rekstrarniðurstöðum og helstu frávikum. Þannig skýrði hann út sjóðsstreymi og niðurstöður efnahagsreiknings. Þá lagði bæjarstjóri til að ársreikningi Kópavogsbæjar yrði vísað til seinni umræðu.

Bæjarstjórn vísar afgreiðslu ársreiknings Kópavogsbæjar fyrir árið 2018 ásamt ársreikningum stofnana bæjarins til seinni umræðu með 11 atkvæðum.

Frá fjármálastjóra, lagðir fram ársreikningar Kópavogsbæjar og stofnana bæjarins fyrir árið 2018.

Bæjarráð samþykkir framlagða ársreikninga með fimm atkvæðum og vísar afgreiðslu ársreikninga til bæjarstjórnar til fyrri umræðu.