Íþróttakarl og Íþróttakona Kópavogs - Framkvæmd kjörsins 2018

Tekið til afgreiðslu kjör á íþróttakonu og íþróttakarli Kópavogs 2018.

Netkosning meðal bæjarbúa stóð yfir frá 21. des. sl. til 6. jan 2019. Er þetta í þriðja sinn sem bæjarbúar taka beinan þátt í kjörinu en rúmlega 500 íbúar kusu sem er meira en fjórðungsaukning frá fyrra ári. Lagðar fram niðurstöður úr kjöri íþróttaráðs og íbúa bæjarins.

Íþróttaráð lýsir ánægju sinni með þátttöku íbúa í kjörinu á íþróttakonu og íþróttakarli Kópavogs 2018.

Íþróttaráð samþykkir að útnefna Öglu Maríu Albertsdóttur knattspyrnukonu úr Breiðablik, sem Íþróttakonu Kópavogs 2018 og Valgarð Reinhardsson fimleikamann úr Gerplu sem Íþróttakarl Kópavogs 2018.

Íþróttaráð samþykkir jafnframt framlag að upphæð 200.000 kr. til íþróttakonu Kópavogs og 200.000 kr. til íþróttakarls Kópavogs í tilefni kjörsins.

Á árinu 2016 ákvað íþróttaráð, að gefa bæjarbúum tækifæri til að taka beinan þátt í kjöri á íþróttakonu og íþróttakarls Kópavogs með rafrænni kosningu. Góð reynsla hefur verið af því fyrirkomulagi sl. tvö ár.

Íþróttaráð samþykkir að rafræn kosning verði meðal íbúa og unnið verði út frá sömu reglum og verið hefur sl. 2 ár.

Íþróttaráð samþykkir að vefkosningin standi yfir frá 21.des til og með 6. janúar 2019 og verða niðurstöður kjörsins kunngerðar á Íþróttahátíð Kópavogs 2018 í Íþróttamiðstöð GKG þann 10. janúar nk.